Almatyda alǵash ret qala ákiminiń tapsyrmasy boıynsha aryq júıesine túgendeý júrgizildi. Onyń qorytyndysy boıynsha aryqtardyń jalpy uzyndyǵy 1525 shaqyrymdy quraıdy. Onyń ishinde: aýdan ákimdikterine qarasty 1138 km; aýlalar aýmaǵynda – 245 km; saıabaq aımaqtarynda – 60 shaqyrym.
Zerttelgen aryqtardyń ár metri GAJ júıesinde kórsetilgen. Interaktıvti kartanyń kómegimen Almatydaǵy aryqtardyń jaı-kúıi, ornalasýy boıynsha ózekti derekterdi kórýge bolady. Qaı kóshede, joldyń qaı jaǵynda, baǵyty men teńgeriminde aryq bar, onyń eni, uzyndyǵy jáne basqa da sıpattamalary kórsetilgen.
«Sıpattalǵan máselelerge súıene otyryp, biz qandaı máselelerdi sheshemiz? Birinshi qadam-biz qala tarıhynda alǵash ret aryq jelisin túgendedik. Biz ár metrdi sanap, bárin ınteraktıvti kartaǵa túsirdik. Ekinshi qadam retinde biz aryq jelilerin ǵana emes, jalpy sý sharýashylyǵy júıesin tıimdi basqarýǵa jaýap beretin qala boıynsha barlyq sý sharýashylyǵy nysandaryn basqarýdyń biryńǵaı operatoryn qurýdy usynamyz», - dep atap ótti N. Lıvınskaıa.
Túgendeý nátıjeleri boıynsha aryq jelisin qaıta qurý jobasy jasaldy. Jalpy uzyndyǵy 376 km, oǵan problemalyq ýchaskeler kiredi. Jumystar zertteý jáne ázirleý satysynda, sodan keıin jóndeý bastalady. Birinshi kezeńde qalanyń batys bóliginde (Alataý, Áýezov jáne Naýryzbaı aýdandary) 120 km aryq qaıta jańartý men jóndeýge túsedi. 2022 jyly kezeń-kezeńmen josparlaý úshin qalanyń ortalyq jáne shyǵys bóliginde jumysty bastaý josparlanýda.
