Osy oraıda Almaty ákimi Baqytjan Saǵyntaev halyqaralyq AT qoǵamdastyq ókilderimen birqatar ekijaqty kezdesýler ótkizdi. Bilim berý salasyndaǵy EduSteppe konsaltıngtik kompanııanyń negizin qalaýshy, Edtech Finland basqarmasynyń keńesshisi Endrıý Nolanmen kezdesý barysynda bilim berýdiń tıimdiligin arttyrý maqsatynda jańa tehnologııalardy engizý máseleleri qaraldy. Sonymen qatar, E. Nolan oqýdyń mýltıdıssıplınarlyq ádisiniń, jasandy ıntellekttiń jáne adaptıvti oqytýdyń múmkindikteri týraly aıtty.
Re-State qorynyń teń quryltaıshysy jáne bas dırektory Anastasııa Kalınınamen kezdesý kezinde ınnovasııalyq ekojúıelerdi nyǵaıtý boıynsha tájirıbe almasý perspektıvalary, jańa tehnologııalyq sheshimderdi ázirleý jáne ınnovasııalyq basqarý taqyryptaryna zertteýler júrgizý máseleleri qaraldy.
Delta work kompanııasynyń negizin qalaýshy jáne basqarýshy seriktesi Danıel Sıelmen jáne Scal8R quryltaıshysy ári bas atqarýshy dırektory Igor Ovcharenkomen Almaty ákimi ınnovasııalyq kásipkerlikti damytý jáne túrli baǵdarlamalar men is-sharalar ótkizý arqyly ekojúıelerdi qurý máselelerin talqylady.
Forýmnyń negizgi taqyryptary otandyq AT-sheshimderdi qoldaý jáne jańa naryqtarǵa shyǵý múmkindigi, aımaqtyq seriktestermen iskerlik qatynastardy ilgeriletý jáne sıfrlandyrý jobalaryn maqsat etedi.
