«Almatyny damytý – 2025» baǵdarlamasy aıasynda qalanyń «jasyl jelisin» qurý mindeti qoıylǵan bolatyn.
Endigi kezekte Almatyda jasyl jelekterdiń málimetter bazasy qurylady. Bıylǵy jyly Almatyda 300 myńnan astam aǵash egýdi josparlap otyrmyz, dep atap ótti N.Lıvınskaıa.
Spıkerdiń aıtýynsha, jasyl jelekterdi otyrǵyzýdyń negizgi úlesi jańa qosylǵan aýdandarda - Alataý jáne Naýryzbaı aýdandarynda josparlanǵan. Bul «Jańa Almaty» jáne «Shetsiz qala» baǵdarlamalary aıasynda júzege asyrylatyn bolady.
«Memleket basshysynyń aýqymdy túrde kógaldandyrý jónindegi tapsyrmasy jáne Almaty ákiminiń tapsyrmasy boıynsha baý-baqsha qalasy men mıllıon aǵash mártebesin qalpyna keltirý boıynsha 2020 jyly rekordtyq kórsetkish - 280 myńnan astam aǵash otyrǵyzyldy. Salystyrý úshin: aldyńǵy jyldary ortasha eseppen 40 myń aǵash egildi. Eń kóp aǵash Alataý, Túrksib jáne Naýryzbaı aýdandarynda otyrǵyzyldy», - dep atap ótti N. Lıvınskaıa.
Sonymen qatar, Almaty qalasyn 2030 jylǵa deıin kógaldandyrý strategııasyn ázirleý aıaqtalýda. Jańa jasyl aımaqtar úshin oryndar anyqtaldy, eski jáne apatty aǵashtardy kesý jáne aýa basseıniniń lastanýyna tózimdi aǵashtar men butalardy otyrǵyzý arqyly jasyl qordy jańartý boıynsha is-sharalar ázirlendi. Qala aýmaǵynyń aımaqtylyǵyn eskere otyryp, jasyl jelekter tizimi bekitildi.
«Almatyny damytý – 2025» baǵdarlamasy aıasynda qalalyq ekojúıeni biriktiretin jáne bıoártúrlilikti qoldaıtyn qalanyń «jasyl jelisin» qurý mindeti qoıyldy.
«2020 jyly Almaty turǵyndaryna kóshetterdi tegin taratý boıynsha aksııa iske qosyldy. Bizdiń mamandar almatylyqtarǵa 580-nen astam japyraqty aǵash kóshetterin jetkizdi. Osy jyldyń kókteminde osy aksııany jalǵastyrýdy josparlap otyrmyz. 2021 jyly qala boıynsha 300 myńnan astam aǵash otyrǵyzýdy josparlap otyrmyz. Úsh jyl ishinde 1 mıllıon jasyl jelek otyrǵyzylady. Osylaısha, biz Almatyny baý-baqsha qalasy mártebesine qaıtarǵymyz keledi», - dep málimdedi basqarma basshysy.
Ákimdik sondaı-aq jasyl jelekterdi pasporttaýdy júrgizýde. Nátıjesinde aǵashtar, qylqan japyraqty aǵashtar, butalar men gúlder týraly úlken málimetter bazasy qurylady. Onda jasyl jelekterdiń jasy, dıametri, jaǵdaıy týraly aqparat bolady. Basqarmada atap ótkendeı, tizilim osy jyldyń naýryz aıynda usynylady.
«Jańa Almaty» aýdandarynda saıabaq aımaqtary men qoǵamdyq keńistikter qurýǵa erekshe kóńil bólinedi. Máselen, zerdeli shaǵyn aýdanynda jáne Boraldaı ózeniniń boıynda aǵashtar otyrǵyzyldy, bul ýchaskelerde saıabaqtar qurylýda. О́jet pen Alataý shaǵyn aýdandaryndaǵy toǵannyń boıynda taǵy eki saıabaq aýmaǵy josparlanǵan.
«О́tken jyly biz ákimdiktiń aýqymdy jobalarynyń biri – Almaty qalasynyń Túrksib aýdanynda «Jeltoqsan» saıabaǵyn ashtyq. Onyń aýdany-55 ga. rekreasııalyq aımaqqa áýejaı kóliniń jaǵalaýy men saıabaq aýmaqtary kiredi. Munda biz 100 qylqan japyraqty otyrǵyzdyq. Sondaı - aq, Áýejaı kóliniń janyndaǵy Maıak toǵaıyn abattandyrý men kógaldandyrýǵa JSQ ázirleý josparlanǵan», - dep bólisti N. Lıvınskaıa.
"Dostyq" jáne "Qarasý"saıabaqtaryn salý jáne qaıta jańartý aıaqtalýǵa jaqyn. Basqarmada atap ótkendeı, eki joba da jergilikti turǵyndarmen birlesip jasalǵan.
