Ult ustazy – Y. Altynsarınniń 180, ulttyq bilim akademııasynyń qurylǵanyna 100, Qazaqstan Respýblıkasynyń táýelsizdigine 30 jyldyǵy bir-birimen tuspa-tus kelip otyr. Ol óz sózinde Akademııanyń janynan jas ǵalymdardy tájirıbeden ótýge daıyndaý, ǵylymı-ádistemelik jýrnaldar shyǵarý, ǵylymı negizde metodologııalyq kabınetterdi ashý syndy jańa bastamalar josparlanýda. Sondaı-aq, bolashaqta pedagogıkalyq JOO-men birlese otyryp, otandyq ǵylym júıesin damytý maqsatynda doktorlyq keńesin qurý sapaly bilimdi jetildirýdiń qadamy bolmaq. Jalpy, Ǵanı Bektaıuly qazaq eliniń ǵylymyn «brendke» aınaldyrýdy basty maqsat etip otyrǵanyn aıryqsha atap ótti.
Erkin túrde bolǵan onlaın basqosýda belgili qoǵam qaıratkerleri, tanymal jýrnalıster jáne birqatar BAQ ókilderi bilim berý isindegi mańyzdy máselelerdi kóterdi. Belgili jýrnalıst Bıbigúl Jeksembaıdyń aıtýynsha, óz turyp jatqan Norvegııa memleketindegi bilim berý úderisindegi erekshelikterge toqtaldy. Ol jaqta sabaq kezindegi úzilisti uzartyp balalardy taza aýaǵa jıi shyǵarý qalypty jaǵdaıǵa aınalǵan. Germanııadan qosylǵan ǵalym-ustaz Abdýrrahman Sel myrza Valdorf mektepteriniń de bilim berý júıesindegi ońtaıly ádstemeleri jaıynda óz oıyn jetkizdi. Oqýshylardyń bilimin baǵalaý júıesine 1 jáne 8 synyp aralyǵynda upaı, baǵa qoıylmaıdy. Nege deseńiz, baǵaǵa táýeldi bolý olardyń júıkesine keri áseri bolýy múmkin. Tipti oqý úderisinde oqýlyqtar óte az paıdalanatyn kórinedi.
Jıyn sońynda bilim ordasynyń basshysy bilim berý máseleleri tóńireginde jıi suhbattasyp turýǵa shaqyrdy.
