Juma kúni el bıligi memlekettiń taǵy úsh aımaǵy, onyń ishinde epıdemııalyq oshaqtar kóptep tirkelgen Attıka da aqpan aıynyń ortasyna deıin atalǵan sharany júzege asyratynyn málimdedi.
⠀
Aýstrııada jańa erejeler qoldanysqa endi, dúkenderde ár tutynýshyǵa keminde 20 sharshy metr oryn bólinýi kerek. Dúısenbiden bastap shashtarazdar men sulýlyq salondary kelýshilerge tek kovıd synamasynyń teris nátıjesin usynǵan jaǵdaıda ǵana qyzmet kórsetetin bolady.
⠀
Polshada shekteýler birtindep alynyp tastalýda. Aptanyń basynan bastap elde saýda ortalyqtary men murajaılar ashylǵan, al 12 aqpanda qonaq úıler, oıyn-saýyq ortalyqtary men ashyq sport alańdary, onyń ishinde taý shańǵysy alańdary qaıta iske qosylady.
Fransııanyń taý shańǵysy kýrorttarynda kótergishter kem degende aqpan aıynyń sońyna deıin jabyq kúıinde qalady. Sondyqtan qonaq úıler men shańǵy trassalary ashyq bolǵanyna qaramastan, bul kezeńde ádettegi týrıster aǵyny kútilmeýde.
Eýroodaq elderi ótken beısenbide Eýropalyq dári-dármekter agenttigi maquldaǵan brıtandyq AstraZeneca vaksınasymen azamattaryn egý jumystaryn bastady.
⠀
Vaksınalarmen qamtamasyz etý problemalary aıasynda eýropa elderi ekpelerdiń assortımentin ulǵaıtýǵa, atap aıtqanda, reseılik jáne qytaılyq ázirlemelerdiń arqasynda keńeıtýge nıetti. Aýstrııa men Slovakııa atalǵan elderdiń preporattary EO-da lısenzııa alsa, osy vaksınalardy shyǵarýǵa daıyn ekendikterin málimdedi.
