«Pavlodar oblysynyń jedel qyzmetkerleri Reseı Federasııasynda oǵan qatysty memleketaralyq izdeý jarııalanǵan 38 jastaǵy er adamdy ustady. Ustalǵan azamat 2017 jyly Altaı óńirinde turyp, urlyq jasaǵan. Sot úkimi boıynsha bas bostandyǵynan aıyrýmen baılanysty emes jaza túrine sottalǵan azamat probasııalyq baqylaý sharttaryn buzýǵa birneshe ret jol bergen. Jazasynyń qalǵan bóligi qatańdatylýy múmkin ekenin túsingen azamat Pavlodar oblysy Ýspen aýdanynyń aýyldarynyń birinde jasyrynyp, belgili bir kásibı biliktilikti talap etpeıtin jumystar atqaratyn jumysshy retinde jumysqa ornalasqan», dedi Pavlodar oblysy Polısııa departamenti Krımınaldyq polısııa basqarmasynyń bastyǵy Balǵabaı Qaparov.
Balǵabaı Qaparov qylmys jasaǵan adamdardy izdestirý isi úzdiksiz júrgizilip jatqanyn aıtyp ótti. Jyl basynan beri túrli qylmystar jasaǵany úshin 14 qylmysker, al ótken jyldardan beri izdeýde júrgender sanatynan tórt kúdikti ustaldy.
«Izdestirý baǵyty boıynsha jumys únemi júrgiziledi. Uzaq aqparat jınaý jáne nusqalardy qaıta tekserý nátıjesinde qylmystar ashylady. Bul jumysty kúsheıtý maqsatynda oblys aýmaǵynda on kúndik «Kúmándi páter» jedel-aldyn alý is-sharasy ótti. Osy kezeńde polısııaǵa 3505 adam jetkizildi, olardyń barlyǵy esepke alyndy, qylmystardy ashýǵa qajetti jedel aqparattar jınaldy», dedi ol.
