Ekıpaj quramynda reanımatolog-anestezıolog Ermek Beketaev pen Shyǵys Qazaqstan oblystyq sanıtarlyq avıasııa bóliminiń feldsheri Anton Volkov bolǵan. Aıtýlarynsha, medısınalyq brıgada Zaısan qalasynda ınsýlt alǵan áıelge kómek kórsetý úshin ushyp bara jatqan.
Indýstrııa jáne ınfraqurylymdyq damý mınıstrligi oqıǵany rastap otyr. Abyroı bolǵanda, ekıpaj músheleriniń eshqaısysy zardap shekpegen. Al ushaq «Navıgator» JShS-ne tıesili.
– Zardap shekkender joq. Ushaqqa da zaqym kelmedi. Bortta úsh ekıpaj múshesi men eki medısına qyzmetkeri bolǵan, – dep habarlady mınıstrlikten.
Kúni keshe «Jedel járdem» kóligi jol kólik apatyna ushyrap, shyǵys óńir turǵyndary qos birdeı medısına qyzmetkerlerinen aıyrylǵan. Endi mine, ushaqtan aqaý shyǵyp, taǵy da aq halattylar jazym bola jazdady. Alaıda «Qudaı saqtanǵandy saqtaıdy» degen támsil bar emes pe?! Osyndaı oqys jaǵdaıdy boldyrmaý úshin qandaı sharalar qabyldanady dep Shyǵys Qazaqstan oblystyq densaýlyq saqtaý basqarmasyna habarlasqanbyz.
– Qazir sanıtarlyq ushaqtardyń tehnıkalyq máselesin aıtyp, Densaýlyq saqtaý mınıstrligine hat daıyndap jatyrmyz. О́ıtkeni qadaǵalaýdy respýblıkalyq «Sanıtarlyq avıasııa» mekemesi júrgizedi, – dedi Densaýlyq saqtaý basqarmasynyń basshysy Jaıyq Jumahanov.
Eske salsaq, bul – Shyǵys Qazaqstan oblysynda AN-2 sanıtarlyq avıasııasynyń qatysýymen bolǵan tórtinshi tótenshe jaǵdaı.
Týra bir jyl buryn, 26 aqpanda О́skemennen shyqqan ushaqtyń qozǵaltqyshy isten shyǵyp, qalyń qarǵa qulaǵan. Ol kezde sanıtarlyq ushaq Tarbaǵataı aýdany, Aqsýat aýylyndaǵy 4 aılyq náresteni oblys ortalyǵyna jetkizý maqsatynda ushyp shyqqan edi. Áıteýir, ol kezde de medısına qyzmetkerleri men ekıpaj músheleri aman qalǵan.
Qashanǵy aq halattylardyń ómirin qaterge tigemiz?! Naýqas tasymaldaýǵa arnalǵan eski ushaqtar tizimnen shyǵarylyp, jańartylatyn ýaqyty jetken shyǵar.
Shyǵys Qazaqstan oblysy
