Qazaqstan Prezıdentine ulttyq atom kompanııasynyń 2020 jyly atqarǵan jumystarynyń negizgi nátıjeleri men aldaǵy kezeńge arnalǵan josparlary týraly baıandaldy.
Ǵalymjan Pirmatovtyń aıtýynsha, kompanııa koronavırýs pandemııasyna qaramastan aldyna qoıylǵan barlyq mindetti oryndaǵan. «Qazatomónerkásip» aksıonerlik qoǵamy úshinshi jyl qatarynan ónim ótkizý isinde joǵary kórsetkishterge qol jetkizip, ýran óndirý jáne satý kólemi boıynsha álemdik naryqtaǵy kóshbasshy mártebesin senimdi túrde saqtap otyr.
Sonymen qatar Memleket basshysyna sıfrlyq transformasııa baǵdarlamasynyń júzege asyrylý barysy, kompanııadaǵy bıznes-prosesterdiń jetildirilýi jáne jylý bóletin qurylǵylar (JBQ) shyǵaratyn zaýyt qurylysynyń aıaqtalýy jóninde málimet berildi.
Kezdesý qorytyndysy boıynsha Qasym-Jomart Toqaev «Qazatomónerkásip» basshysyna birqatar naqty tapsyrma berdi.
