Foto: shutterstock.com
Qyzdyń anasynyń aıtýynsha, bala týystarynyń úıinde basqa balalarmen oınap júrgen kezde ıt kenetten shabýyl jasaǵan. Bala aýyr jaraqatpen aýrýhanaǵa jetkizilip, jansaqtaý bólimine túsken. Dárigerler qyzdyń betiniń oń jaǵy qatty zaqymdanǵanyn, basynan da jaraqat alǵanyn málimdedi. Qazir balanyń jaǵdaıy turaqty, em qabyldap jatyr.
Týystary oqıǵadan keıin ıtti izdegenimen, taba almaǵan. Aýyl turǵyndary mundaı jaǵdaı alǵash ret emes ekenin, buǵan deıin de birneshe adam ıtten zardap shekkenin aıtty.
Saýran aýdany ákimdigi shabýyl jasaǵan ıttiń ıesi bar ekenin habarlady. Qazirgi ýaqytta polısııa qyzmetkerleri janýar men onyń ıesin izdestirip jatyr. Al aýyldaǵy taǵy bir adamǵa shabýyl jasaǵan ıt ustalyp, zerthanaǵa jiberilgen.
Ákimdiktiń málimetinshe, aýdan boıynsha qańǵybas ıtterdi aýlaýǵa bıyl 6,5 mıllıon teńge bólingen. Jyl basynan beri shamamen 50 ıt ustalǵan.
