Endeshe jyl basynan bergi ınvestısııalyq kiristiliktiń 1,3 trln teńgeden asqany BJZQ salymyna qarap eleńdep otyrǵan aǵaıyn úshin qýanyshty jańalyq: Sebebi BJZQ salymy jetkilikti mólsheri bir retti aksııa emes, jyl saıyn júrgiziledi. Jınaqtaýshy zeınetaqy júıesi bastalǵannan beri salymshylar alǵan ınvestısııalyq kiris 5,5 trln teńgeden asyp, zeınetaqy aktıvteriniń 43% -dan astamyn qurady.
2020 jyly zeınetaqy aktıvteriniń ınvestısııalyq kiristiligi 7,5% ınflıasııamen 10,92% qurady. Nátıjesinde 2020 jylǵa naqty kiristilik 3,42% paıyz:
«Zeınetaqy jınaqtary boıynsha 2020 jyly alynǵan ınvestısııalyq kiristiń kólemi 1,3 trln teńgeni qurady. Jınaqtalǵan ınvestısııalyq kiristilik 1998 jyldan bastap, ıaǵnı jınaqtaýshy zeınetaqy júıesi jumys isteı bastaǵannan beri 602,9% qurady. Sonymen birge jınaqtalǵan ınflıasııa 496,65% -dan aspady», dedi zeınetaqy qory.
Osylaısha, sońǵy 23 jyldaǵy zeınetaqy aktıvteriniń naqty jınaqtalǵan kirisi 2021 jyldyń 1 qańtaryna oń bolyp, 106,25% qurady.
Ulttyq Bank BJZQ-nyń zeınetaqy aktıvteriniń senimdi basqarýshysy bolyp tabylatyndyǵyn jáne olardy Investısııalyq deklarasııaǵa sáıkes ınvestısııalaıtynyn eskerińiz. Zeınetaqy aktıvterin ınvestısııalaýǵa ruqsat etilgen qarjy quraldarynyń tizbesin Úkimet bekitedi.
Zeınetaqy aktıvterin ınvestısııalaýdyń negizgi baǵyttaryn Qazaqstan Respýblıkasynyń Ulttyq qoryn basqarý keńesi aıqyndaıdy.
Zeınetaqy aktıvteri Ulttyq banktegi BJZQ ınvestısııalyq shotynda saqtalady. BJZQ salymshylardyń (alýshylardyń) jeke zeınetaqy shottaryndaǵy (JZSh) jınaqtalǵan zeınetaqy qarajatynyń derbestendirilgen esebin júrgizedi.
Investısııalardy basqarý nátıjeleri jáne zeınetaqy aktıvteri salynǵan qarjy quraldary týraly aqparat aı saıyn BJZQ-nyń resmı saıtynda (www.enpf.kz) «Indıkatorlar / ınvestısııalyq qyzmet» bóliminde ornalastyrylady.
«BJZQ zeınetaqy jınaqtaryn alynǵan ınvestısııalyq kiristi eskere otyryp, kún saıyn qaıta esepteıdi jáne qaıta baǵalaıdy.
Investısııalyq kiristiń mólsheri ártúrli jáne kóptegen faktorlarǵa, sonyń ishinde ınvestısııalardyń aǵymdaǵy naryqtyq quny men valıýta baǵamdaryna baılanysty. Nátıjesinde, ınvestısııalyq tabys joǵaryǵa da, tómenge de ózgerýi múmkin. Salymshylardyń JSQ boıynsha ınvestısııalyq kiristiń yqtımal teris aýytqýlary qysqa merzimde baıqalady jáne ýaqytsha bolyp tabylady. Ortasha jáne uzaq merzimdi perspektıvada ınvestısııalardyń kiristiligi ádette oń bolady. Sondyqtan ınvestısııalardyń nátıjelerin uzaq merzimniń, kem degende bir jyldyń nátıjeleri boıynsha baǵalaý durys», dedi BJZQ.
Zeınetaqy jınaqtary týraly aqparat salymshylardyń jeke kabınetinde BJZQ-nyń enpf.kz veb-saıtynda, BJZQ mobıldi qosymshasynda, egov.kz portalynda qol jetimdi.
