Mınıstr áńgime halyq pen bıznesti qoldaý, áleýmettik-ekonomıkalyq turaqtylyqty saqtaý jónindegi jedel sharalardan turatyn daǵdarysqa qarsy sharalardyń úsh paketi men Ekonomıkalyq ósýdi qalpyna keltirý jónindegi keshendi jospar týraly bolyp otyrǵanyn atap kórsetti.
Bıznesti qoldaý maqsatynda zardap shekken salalar úshin salyqtyq yntalandyrýlar kórsetildi, ShOB-qa jeńildikpen kredıt berý keńeıtildi, aınalym kapıtalyn qarjylandyrý ulǵaıtyldy. Budan basqa, jeńildikti sharttarmen kredıtter qaıta qarjylandyryldy jáne olar boıynsha tólemder keıinge qaldyryldy. Nátıjesinde 700 myń kásipker salyq jeńildikterin aldy, zardap shekken salalardaǵy qaryz alýshylardyń 80% - iniń kredıti keıinge qaldyryldy, 40 myń kásipker jobalyq qarjylandyrýdy paıdalandy.
Mınıstrdiń aıtýynsha, atalǵan sharalar paketi sheńberinde bıznesti qoldaý maqsatynda zardap shekken salalar úshin salyqtyq yntalandyrý sharalary kórsetilgen. ShOB-ty jeńildikti kredıtteý aıtarlyqtaı keńeıtildi. Aınalym kapıtalyn qarjylandyrý ulǵaıtyldy. Kredıtterdi jeńildikti sharttarmen qaıta qarjylandyrý, sondaı-aq kredıtter boıynsha keıinge qaldyrý usynyldy. Nátıjesinde 700 myń kásipker salyq jeńildigin aldy. Zardap shekken saladaǵy qaryz alýshylardyń 80% - iniń kredıti keıinge qaldyryldy. Kásipkerlerdiń 40 myńǵa jýyq jobasy qarjylandyryldy.
2020 jyly bıznesti qoldaý baǵdarlamasyna kredıt berý quraldary men qarjylandyrýdyń qoljetimdiligin keńeıtýge múmkindik beretin ózgerister engizilgenin atap ótken jón. Máselen, «Bıznestiń jol kartasy» jáne «Qarapaıym zattar ekonomıkasy» baǵdarlamalary boıynsha prosenttik mólsherleme 6% deńgeıinde birizdendirilgen.
UEM basshysy 2020 jylǵy 1 qańtardan bastap mıkro jáne shaǵyn bızneske qatysty tekserýlerge úsh jyldyq moratorıı qoldanylatynyn eske saldy. Moratorıı úsh jyl ishinde 100 myń tekserýdiń kúshin joıýǵa múmkindik beredi. Bul ákimshilik júktemeni azaıtady jáne bıznesti engizýdiń turaqtylyǵyna yqpal etedi.
«Zardap shekken bıznes sýbektileri úshin 8% mólsherlememen aınalym qarajatyn usyný boıynsha Ulttyq Bankke jeńildikpen kredıt berýdiń jańa baǵdarlamasy iske qosyldy, «Bıznestiń jol kartasy» baǵdarlamasy boıynsha salalyq shekteýler alynyp tastaldy», – dep atap ótti Á.Erǵalıev.
Sonymen qatar, «Bıznestiń jol kartasy-2025» aıasynda «Bıznesti mıkrokredıtteý» jańa baǵyty engizildi. Sońǵy qaryz alýshyǵa mólsherleme 6% - ti quraıdy. Aınalym qarajatyn tolyqtyrýǵa beriletin mıkrokredıttiń maksımaldy somasy – 5 mln teńge, óndiristik qajettilikterge - 20 mln teńge. Bul rette memleket tarapynan negizgi boryshtyń 85% - ine deıin kepildik beriledi, sondaı-aq mıkro jáne shaǵyn bıznes jobalary jedel qaralady.
Áset Erǵalıev habarlaǵandaı, Reformalar jónindegi joǵary keńeste bıznesti qoldaýǵa baǵyttalǵan 8 jedel jańa shara ázirlenip, qaraldy.
Birinshi. Eńbekaqy tóleý qoryna júktemeni azaıtý jáne biryńǵaı tólemmen tóleý.
Ekinshi. О́ńdeýshi ónerkásiptiń jańa kásiporyndarynyń qalyptasýy men damýyn qoldaý úshin olar úshin QQS-ty 70% - ke azaıtý (kásiporyn qurylǵan sátten bastap 2 jylǵa) máselesin qaraý usynylady.
Úshinshi. Kásiporyndardy damytý jáne qoldaý úshin óndiristi damytýǵa qaıta ınvestısııalanatyn paıdany korporatıvtik tabys salyǵynan bosatý usynylady.
Tórtinshi. Úkimettiń ınvestısııalyq kelisimder jasasýy úshin qyzmettiń basym túrleriniń tizbesin keńeıtý.
Besinshi. Tegin mobıldi qosymsha arqyly JK-ny jeńildetilgen tirkeý.
Altynshy. Aǵymdaǵy jyl ishinde bızneske qoıylatyn barlyq talaptardyń úshten birin qysqartý usynylady.
Jetinshi. Bıznesti qarjylandyrýdyń qoljetimdiligin arttyrý maqsatynda mıkroqarjy uıymdaryn «Bıznestiń jol kartasy-2025» sýbsıdııalaý baǵdarlamasyna qosý usynylady.
Segizinshi. ShOB-ta qoǵamdyq tamaqtaný salasy úshin bólshek salyq rejimin engizý usynylady.
«Bul sharalardy aǵymdaǵy jyly iske asyrý josparlanyp otyr. Bul 2025 jylǵa qaraı 500 myń adamdy jaldamaly qyzmetkerlerdi resmı jumyspen qamtýǵa tartýdy, jyl saıyn óńdeýshi ónerkásipke 15 p.t. ınvestısııalardy ulǵaıtýdy, Kóleńkeli ekonomıkany tómendetý jónindegi jospardy iske asyrýdy eskere otyryp, kóleńkeli ekonomıkany JIО́ - ge 15% - ke deıin tómendetýdi, sondaı-aq mıkro jáne shaǵyn bıznes sýbektileriniń 75% - i úshin eńbekaqy tóleý qoryna júktemeni azaıtýdy qamtamasyz etýge múmkindik beredi», - dedi ekonomıkalyq vedomstvo basshysy.
