Qazaqstan aýmaǵyn basqa memleketterden janýarlardyń juqpaly jáne ekzotıkalyq aýrýlarynyń taralýynan qorǵaý, veterınarııalyq-sanıtarııalyq qaýipsizdikti qamtamasyz etý, halyqtyń densaýlyǵyn janýarlar men adamǵa ortaq aýrýlardan qorǵaý úshin respýblıkanyń veterınarııalyq qyzmeti veterınarııalyq-profılaktıkalyq is-sharalar uıymdastyryp, maldy ýaqtyly dıagnostıkalaý jáne vaksınalaý jumystaryn júrgizedi. Osyǵan baılanysty Aýyl sharýashylyǵy mınıstrliginiń veterınarlyq baqylaý jáne qadaǵalaý komıteti jyl saıynǵy ımmýndyq aldyn alý is-sharalaryn júrgizý úshin sertıfıkattalǵan veterınarııalyq preparattarmen qamtamasyz etedi.
Halyqaralyq Epızootııalyq bıýronyń tizilimine túrli aýrýlar men ınfeksııalardyń 88 túri engizilgen.
Qazaqstandyq tizilimde tek 68 túri tirkelgen. Olar bizdiń elimizde keńestik kezeńnen beri kele jatyr.
Qazirgi ýaqytta onyń 45 túri boıynsha epızootııalyq jaǵdaıy turaqty. Al, 23 túrine dıagnostıka jáne vaksınalaý boıynsha arnaıy veterınarııalyq-profılaktıkalyq is-sharalar júrgizilýde.
Onyń ishinde janýarlar men qustardy vaksınalaý boıynsha 151,1 mln manıpýlıasııa, sondaı-aq 68,1 mln dıagnostıkalyq zertteýler júrgizý josparlanýda.
Tıisti jumystardy jergilikti atqarýshy organdar janyndaǵy memlekettik veterınarııalyq uıymdar bıyl aqpan-naýryz aılarynda bastaıdy.
