Oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Aınagúl Mýsınanyń málimdeýinshe, barlyq naýqastardyń 10 paıyzyn balalar quraıdy. Al eresekter arasynda jaman tumaý negizinen 60 jastan asqan adamdar arasynda.
– Ústimizdegi aıda COVID-19-dyń laboratorııalyq rastalǵan 533 deregi tirkeldi. Onyń 426-sy sımptomdy, 107-si sımptomsyz túri. Sońǵy aptada koronavırýstyń 1 342 deregi anyqtaldy, – degen bas sanıtarlyq dáriger koronavırýs ınfeksııasynyń taralýyna qatysty statıstıka kún saıyn ózgerip jatqanyn, vırýstyń taralýy sanıtarlyq-epıdemııalyq talaptardyń saqtalýyna baılanysty ekenine toqtaldy. Máselen, sońǵy táýlikte 168 adamda osy vırýs anyqtalyp, ósim 1,5 paıyzdy quraǵan.
Pandemııa bastalǵaly oblysta 548 oqýshyǵa koronavırýs dıagnozy qoıylǵan. Onyń 205-i shtattyq, 343-i qashyqtan bilim alyp jatqan oqýshylar. Oqý jylynyń úshinshi toqsany bastalǵanda 296 oqýshyda vırýs anyqtalǵan. Indettiń oqýshylar arasynda da kóptep tirkelýine baılanysty búgingi tańda oblys boıynsha 49 mektep karantınge jabyldy. Sonymen qatar mektepke deıingi mekemelerde tárbıelenetin balalar arasynda da indetke shaldyqqandar bar. Jaman tumaýdyń jaman habary estilgeli 99 búldirshin aýyrǵan. Bul oraıda da oblys ortalyǵy vırýstyń taralýy boıynsha kósh bastap tur. Oblysqa «Spýtnık V» ekpesiniń 1 300 dozasy ákelindi. Aqpannyń 1-inde ekpe egý naýqany bastaldy. Búginde medısınalyq uıymdardyń bazasynda 24 ekpe egý pýnkti jumys isteıdi.
Aqmola oblysy
