Aýyl • 10 Aqpan, 2021

Sharýashylyqta alǵa shyqty

36 ret kórsetildi

Toǵyz joldyń torabynda ornalasqan T.Rysqulov aýdany bul kúnde aýyl sharýashylyǵy salasynda oblys aýdandarynyń ishinde alda keledi. О́tken jyldyń qorytyndysy boıynsha, aýdan egin egý, mal basyn kóbeıtý, jalpy aýyl turǵyndarynyń jaǵdaıyn jaqsartý kórsetkishteri boıynsha birinshi orynǵa shyqqan. Asyraýshy salada jalpy óndirilgen ónim kólemi 39,9 mlrd teńgeni quraǵan. Sondaı-aq aýyl sharýashylyǵynyń negizgi kapıtalyna 3,7 mlrd teńgeniń ınvestısııasy tartylǵan. Al tamaq óndirisiniń negizgi kapıtalyna 24,5 mln teńge salynǵan. Munyń bári de búginde aýdan ahýalyn jaqsartýǵa óz septigin tıgizip otyr.

 

Negizinen óńirde egistik jer­lerdi ıgerý basty máseleniń biri. Egistik jerlerdiń kóbi bul kúnde jeke adamdardyń qolynda bolǵandyqtan, ony tolyǵymen ıgerý de túrli má­sele týyndatady. Bul oraıda, aýdan­da qazirgi kezde egistik jer­lerdi ıgerý qolǵa alynǵan. Nátıjesinde, jalpy 146 myń 148 gektar egistik jer tolyq ıgerilgen. Onyń ishinde 53 664 gektar jerge kúzdik bıdaı, 58 133 gektaryna jazdyq arpa sebilgen. Sonymen qatar bir­qatar alqapqa júgeri, maq­sary, kókónis, qant qyzyl­shasy, kartop jáne ózge de ónim túrleri egilgen. Aýyl sha­rýa­shylyǵy salasyn damytý maq­satynda 143 tehnıka satyp aly­­nyp, ma­shına-traktorlar par­ki 14 pa­ıyzǵa jańartylǵan.

«Oblysqa bólingen 33 jań­byrlatyp sýarý qondyrǵysynyń 15-ine ótinim berilip, búginde 7 qon­dyrǵy alyndy. Al mal qys­tatý naýqanyna josparlanǵan azyq kólemi 100-den 167 paıyzǵa deıin artyǵymen oryndaldy. Barlyq túrinen mal basy 104,3 paıyzdan 122,4 paıyzǵa deıin artty. Mal ónimderin óndirýde 102,8 paıyzdan 107,7 paıyzǵa deıin ósim boldy», deıdi aýdan ákimi Erbolat Sadyrqulov.

Búginde aýdanda negizinen mal sha­rýashylyǵy órkendep keledi. Jyl saıyn mal basy artýda. Máselen, aýdan kóleminde qazirgi kezde 2 650 bas múıizdi iri-qaraǵa arnalǵan – 12, 780 bas jylqy malyna arnalǵan – 5, al 3 600 bas qoı malyna arnalǵan 4 bordaqylaý alańy bar. Bul rette sharýalar da aýyldardaǵy mal sharýashylyǵyn ilgeriletýge óz úlesin qosyp otyr eken. «Dáýletbaı» sharýa qojalyǵynyń tóraǵasy Úmbet Janadilov óz qojalyǵynda 1 myń bas múıizdi iri-qara malyn bordaqylaý, mal soıý, ony saqtaý, tońazytý jáne mal te­risin daıyndaý kesheniniń qu­rylysyn aıaqtapty. Bul óz kezeginde aýdandaǵy ónim kóle­min de arttyrýǵa serpin beretini sózsiz. Sonymen qatar aýdandaǵy «Shalqar» sharýa qojalyǵy 1,5 myń basqa, «AlRaı» sharýa qojalyǵy 1 myń basqa arnalǵan múıizdi iri qara mal bordaqylaý keshenderin de iske qosqaly otyr. Sol sııaqty Qumaryq aýy­lyn­daǵy «Jastar bolashaǵy» sharýa qo­jalyǵy 100 basqa arnalǵan saýyn sıyr fermasyn aǵymdaǵy jyly iske qosatyn bolady.

Jambyl oblysynda osydan biraz ýaqyt buryn «Oblys tur­ǵyndarynyń turmystyq tabysyn arttyrý» jobasy qolǵa alynǵany belgili. Bul oraıda óńirdegi 10 aýdannan 10 aýyl­dyq okrýg tańdalyp, tıisti jumys­tar bastalyp ta ketken. Tipti birqatar aýylda jergilikti tur­ǵyndar jobanyń paıdasyn da kórip úlgerdi. Atalǵan joba negizinde qanatqaqty úlgide T.Rysqulov aýdanynda 2019 jy­ly «Qumaryq-Taý» aýyl sharýa­shylyǵy kooperatıvi qurylyp, aýyl sharýashylyǵy ónimderin óndirýmen aınalysatyn aýla ıeleri men sharýalar, sondaı-aq kásipkerler anyqtalyp, qarjy kólemi naqtylanǵan bolatyn. Atalǵan kooperatıv búginde jalpy quny 90 mln teńgege 17 birlik aýyl sharýashylyǵy tehnıkalary men túrli qondyrǵylardy lızıng arqyly alyp, kooperatıv enshisine 17 gektar jer bólinip berilgen. Al endi budan shyqqan ná­tıje qandaı? Bul rette aýdan ákimi E.Sadyrqulov Qumaryq aýyldyq okrýginiń Qumaryq, Qarakemer jáne Alǵabas aýyldary qanatqaqty jobaǵa qatysyp, aýyl halqy 5 baǵyt boıynsha búgingi tańda jalpy quny 797,2 mln teńge qarjyny ıgergenin aıtty.

«Jekeleı baǵyttar boıynsha aıtqanda, úı irgesindegi jerdi tıimdi paıdalaný maqsatynda 14,8 mln teńgege 598 aýlany qam­tıtyn jerge sarymsaq, kartop, qııar egýge tuqym, tyńaıtqysh alyn­dy. Qazirgi tańda úı irge­sindegi jerlerdiń 54 gektaryna 100 paıy­z tolyq daqyl egildi. Aýladaǵy mal sharýashylyǵyn tıimdi paıdalanýǵa 676,8 mln teń­gege 229 aýla 2,5 paıyzdyq ne­sıe alyp, oǵan 7 558 bas mal sa­typ alyn­dy. Onyń ishinde

6 280 bas usaq mal, 356 múıizdi iri qara jáne 592 bas jylqy maly bar», deıdi ol.

Aýyldy kórkeıtýdiń, aýyl turǵyndarynyń áleýmettik jaǵ­daıyn kóterýdiń negizgi joly – aýyl sharýashylyǵy salasyn damytý bolmaq. Bul rette egin jáne mal sharýashylyǵyna qolaıly aýmaqta ornalasqan T.Rysqulov aýdany memleket berip otyrǵan múmkindikti meılinshe paıdalanýda. Esesine, onyń ıgiligin aýyldyqtar kórip otyr.

 

Jambyl oblysy,

T.Rysqulov aýdany

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar