«Gaz tartý boıynsha aýqymdy jumystar atqaryldy - 300 km gaz taratý jelisi salyndy. Birqatar turǵyn alap turǵyndary bıylǵy jylytý maýsymynda gazǵa kóshý múmkindigin aldy. Buǵan qosa, qazir Kóktal-1, О́ndiris, Ońtústik-Shyǵys turǵyn alaptarynda qurylys-montaj jumystary júrip jatyr.
Kómirden gazǵa kóshýdiń artyqshylyǵy kóp: turǵyndarǵa kómir satyp alý, saqtaý, onyń sapasy, kúnine birneshe ret pesh jaǵý jaıly oılaýdyń qajeti bolmaıdy. Qala ekologııasy jaqsarady, bul árıne, qalalyqtarǵa oń áser etedi. Gazdandyrý zııandy qaldyqtardyń atmosferaǵa taraýyn birneshe ese azaıtýǵa múmkindik beredi. Buǵan qosa, JEO-1 jáne JEO-2 qazandyqtarynyń bir bóligi gazǵa aýysty», dedi Nur-Sultan qalasynyń ákimi Altaı Kólginov.
Jobanyń áleýmettik mańyzyn eskere otyryp, ákimdik montaj jumystarynyń qunyn tómendetý boıynsha jeke uıymdarmen kelissózder júrgizdi. Osylaısha, úı ishine gaz tartý baǵasy ortasha alǵanda 30%-ǵa arzandady (gaz qurylǵysy men quramdastarynyń quny kirmeıdi). Eseptegishterdi memleket qalalyqtarǵa tegin beredi.
Eske salsaq, turǵyn alaptaryna gaz taratý jelilerin salý, onyń ishinde úı mańyndaǵy kvartalishilik jelilerdi salýmen Nur-Sultan ákimdigi aınalysady. Al úıdiń ishine júrgizýmen jeke uıymdar aınalysady. Turǵyndar kez kelgen mamandandyrylǵan kompanııany tańdaýǵa quqyly.
Gazben qamtýdyń ishki jelileri tartylǵan turǵyn alaptarynyń turǵyndary gazǵa qosylý úshin «Qaztransgaz Aımaq» AQ-qa (Respýblıka dańǵyly, 24, «Parasat» BO) bara alady. Bul uıym gazben qamtýdyń ishki jelileriniń qaýipsizdigin tekserýmen jáne qosýmen aınalysady, sondaı-aq onyń odan arǵy paıdalanylýyna jaýap beredi.
Qalany gazdandyrý - el basshylyǵynyń baqylaýyndaǵy másele.
