Birneshe kún buryn Kentaý qalalyq polısııa bólimine jergilikti turǵyn aryzdanady. Jábirlenýshi áıeldiń aıtýynsha onyń dúkenine belgisiz adam túngi ýaqytta zańsyz kirip, azyq-túlik, sýsyndar, jańa kıimder men kassadaǵy aqshasyn jymqyryp ketken.
Jábirlenýshige keltirilgen shyǵyn kólemi 250 myń teńgege jýyq qarajatty quraǵan. Atalǵan jaıt QR QK-niń 188-baby boıynsha tirkeýge alyndy.
Aqparat alysymen polıseıler oqıǵa ornyna shyqqan. Jedel-tergeý toby uryny ustap, qylmysty ashýǵa birden kirisedi. Kýágerlerden jaýap alyp, jaqyn aýmaqtardy aralap, beınebaqylaý kameralaryn teksergen. Sonyń nátıjesinde táýlik ishinde kúdiktiniń jeke basy anyqtalyp, turǵylyqty mekenjaıynan ustaldy. Qolǵa túsken jergilikti turǵyn, jábirlenýshiniń kórshisi bolyp shyqty.
Tergeý barysynda anyqtalǵandaı, kúdikti dúkenniń terezesin buzýyp kirip, qolyna ilingenin alyp kete bergen. Aıǵaqty zat retinde urlanǵan zattar urynyń úıinen tárkilenip, zańdy ıesine qaıtaryldy.
Aıda ORALBEK
