16 táýlikke sozylǵan aıtýly jarysta 80 memleketten kelgen 2508 úmitker baq synap, olar 15 sport túri boıynsha 84 júlde jıyntyǵyn sarapqa saldy. Nátıjesinde jalpy komandalyq esepte Germanııa quramasy kósh bastady. Nemister 29 (11 altyn+12 kúmis+6 qola) júldege qol jetkizdi. Ekinshi jáne úshinshi oryndardy AQSh (9+9+7) pen Aýstrııa (9+7+7) oljalady. Sodaı-aq úzdik bestiktiń qataryna Reseı (8+6+8) men Kanada (7+10+7) qosyldy. О́kinishke qaraı, Qazaqstannyń sportshylaryna bul baıraqty básekede birde-bir júlde buıyrǵan joq.
Jekelegen sportshylar arasynda Sındı Klassen jasyndaı jarqyrady. Kanadalyq konkıshi qyz bes ret (1 altyn+2 kúmis+2 qola) jeńis tuǵyryna kóterildi. Al nemis bıatlonshysy Mıhael Graıs pen Ońtústik Koreıanyń short-trek sheberleri An Hen Sý men Chın Son Iý úsh retten bas júldeni oljalady.
