Alǵashqy bolyp kortqa Zarına Dıas (álemniń 83 raketkasy) shyqty. Ol amerıkalyq Bernarda Peramen (66) sheberlik baıqasty. AQSh-tyń arýy tusaýkeser kezdesýinde álemdik reıtıngtiń burynǵy kóshbasshysy, germanııalyq Anjelık Kerberdi qapy qaldyryp, bul týrnırge tamasha babynda kelgenin ańǵartqan edi. Desek te bizdiń Zarınanyń da tegeýirini kúshti boldy. Eki saǵattan asa ýaqytqan sozylǵan básekede jerlesimiz 6:4, 3:6, 6:3 esebimen jeńiske jetti.
Kóp uzamaı Elena Rybakına (17) ıtalııalyq Fıona Ferromen (53) kezdesti. Iá, otandasymyzdyń WTA tiziminde ózinen áldeqaıda tómen turǵan oıynshyny esh qınalamaı utatynyna kúmán keltirmegenimiz ras. Biraq bári biz oılaǵandaı bolmady. Eki settik saıys Ferronyń paıdasyna sheshildi – 6:4, 6:4.
О́kinishke qaraı, Aleksandr Býblık te (45) el senimin aqtaı almady. 3 saǵat 05 mınýtke sozylǵan saıysta ol serbııalyq Dýshan Laıovıchke (27) jol berdi – 4:6, 6:7, 6:4, 3:6.
Erteń Iýlııa Pýtınseva (33) belgııalyq Elıson Van Eıtvankke (57) qarsy oınaıdy. Al úshinshi kezeńde Zarına Dıas kezinde Ýımbldon men Rolan Garrosta top jaryp, álemniń birinshi raketkasy atanǵan ıspanııalyq Garbıne Mýgýrýsamen (32) sheberlik baıqasady.
