Jaqynda Almaty mýzeıinde «Jádiger jaýharlar» jobasy aıasynda youtube-baǵdarlamanyń tanystyrylymy ótken bolatyn. Baǵdarlamaǵa «Almaty mańynan tabylǵan arheologııalyq artefaktiler» kórmesi arqaý boldy. Qalanyń Mádenıet basqarmasynyń tapsyrysymen júrgizilgen qazba jumystary barysynda tabylǵan biregeı qundy eksponattar osy kórmege qoıylyp, qala turǵyndarynyń nazaryna usynylǵan-dy.
«Jádigerler Qazaqstannyń ejelgi turǵyndarynyń materıaldyq jáne rýhanı mádenıetin beıneleıtin ǵylymı jáne mádenı tarıhı qundylyqqa ıe erte temir dáýiriniń eskertkishteri bolyp tabylady. Qara turǵyndary men qonaqtary bul kórmeni osy jyldyń 15 aqpanyna deıin talamashalaı alady», – deıdi mýzeı dırektorynyń ǵylym jónindegi orynbasary, tarıhshy Serjan Sarov. Kórme barysynda ál-Farabı atyndaǵy QazUÝ Arheologııa, etnologııa jáne murajaıtaný kafedrasynyń meńgerýshisi Rınat Jumataev, arheolog Baýyrjan Besetaev, Á.Marǵulan atyndaǵy Arheologııa ınstıtýtynyń qyzmetkeri Eraly Aqymbek qatysyp, kórmege kelýshilerdiń, sonymen birge stýdentterdiń suraqtaryna jaýap berdi.
Erte ǵasyr kýásindeı bolǵan jádigerler qatarynda erte temir dáýirine tıesili altyn japsyrmalar, Medeý muz aıdynynyń shyǵysynan tabylǵan orta ǵasyrlyq jádigerler, Jetisý, Qastek qalashyǵyna tıesili kóptegen buıymdar bar. Temir qazannyń búıiri, qaıshy, pyshaq, apqy basy, ketpen, taǵa, shyny ydys, tabaqsha, qola qazannyń synyǵy, súıek taıaqshalar, shyraǵdan, jazý quraly, taǵy da basqa jádigerler dala mádenıetiniń sol dáýirge tán erekshe kórinisterin kóz aldyǵa ákelgendeı áserge bóleıdi.
