Rýhanı kezdesý Nur-Sultan qalasy ákimdigi QR QK Ulttyq áskerı-patrıottyq ortalyǵy «Jas Sarbaz» jasóspirimder áskerı-patrıottyq qozǵalysy RQB Nur-Sultan qalalyq fılıalynyń uıytqy bolýymen ótti.
Sharaǵa Muqaǵalı Maqataevtyń qyzy Almagúl jáne nemeresi Roza vıdeo sálemdemelerin joldap, el bolshaǵy – jastarǵa rızashylyqtaryn bildirip, aldaǵy bastamalaryna sáttilik tiledi.
«Búgingi ótip jatqan is-shara bıik tulǵa, aqıyq aqyn Muqaǵalı Maqatevtyń 90 jyldyǵyna arnalyp otyr. Táýelsizdigimizdiń 30 jyldyǵymen tuspa-tus kelgen bul mereke árbir qazaqtyń shańyraǵynda mereke dep oılaımyz. «Jas sarbaz» tárbıelenýshileri ózderiniń sııasy keppegen óleń jyrlaryn aqynǵa arnap, sizderge usynyp otyr. Shara negizinen Maqataevtyń 90 jyldyǵyna arnalǵan ınstasaıys retinde jarııalanǵan bolatyn. Qazirgi tańda bul saıysqa 200-300-ge jýyq jasóspirim atsalysyp, sonyń ishinde 30-ǵa jýyq qana qatysýshy iriktelip alyndy», dedi «Jas sarbaz» jasóspirimder áskerı-patrıottyq qozǵalysy Nur-Sultan qalalyq fılıalynyń tóraǵasy Ashat Nalshybek.
Shara barysynda «Muqaǵalı Maqataevqa arnaý» ınstagram baıqaýynyń qorytyndysy shyǵaryldy. Baıqaýdyń jeńimpazy retinde №16 mektep oqýshysy Ámına Túgel atandy. Júldegerler qataryna №74 mektep oqýshysy Aqnur Tuıaqbaı jáne №66 mektep oqýshysy Aıajan Meırambek ilikti.
