Onyń ishinde 8,5 mln-nan astam qyzmetti azamattar egov.kz portaly arqyly, sondaı-aq Halyqqa qyzmet kórsetý ortalyqtarynda elektrondy túrde aldy, tek polısııa bólimshelerine júgingen kezde ǵana 387,5 myń qyzmet qaǵaz túrinde kórsetilgen. Osynyń ishinde avtokólikti tirkeý (2 mln 366 myń), jeke basty kýálandyratyn qujattardy berý (2 mln 253 myń) jáne júrgizýshi kýálikterin berý (986 myń), sondaı-aq azamattardy turǵylyqty jeri boıynsha tirkeý (2 mln 067 myń) eń kóp suranysqa ıe qyzmetter bolyp sanalady.
Vedomstvo atap ótkendeı, sıfrlandyrý jumys tıimdiligin arttyrady, prosesterdi jeńildetedi jáne azamattarǵa memlekettik qyzmetterdi usyný merzimderin qysqartady, sondaı-aq qyzmetkerlerdiń halyqpen tikeleı baılanysyn boldyrmaıdy jáne sybaılas jemqorlyq táýekelderin tómendetedi.
Ishki ister mınıstri Erlan Turǵymbaev IIM-niń Memlekettik qyzmet kórsetý salasyndaǵy eń basty ustanymy – qyzmetterdi avtomattandyrý, jedeldiligin arttyrý, ashyqtyǵyn qamtamasyz etý jáne sybaılas jemqorlyqty azaıtý bolyp tabylatynyn atap ótti.
– Búginde bizdiń barlyq áreketimiz memlekettik qyzmetterdiń sapasyn jaqsartýǵa baǵyttalǵan. Eń bastysy, adamdar olardy úıden nemese keńseden shyqpaı-aq tez jáne eshqandaı áýrege túspeı ala alady. Sonymen qatar, sheshim qabyldaýdyń árbir kezeńinde ýaqytyly jáne obektıvti oryndalýyn qadaǵalaý kerek, – dep atap ótti vedomstvo basshysy.
Budan basqa, sıfrlandyrý qyzmetterdi birtutas kórsetýge múmkindik beredi, ıaǵnı bir ótinish boıynsha birden ózara baılanysty birneshe qyzmetterdi alýǵa bolady (barlyǵy toǵyz qyzmet túri, olardyń jeteýi 2020 jyly engizilgen).
Osylaısha, eńbek mıgranttaryna azamattardyń úı sharýashylyǵynda jumys isteýine ruqsat berýmen qatar (“eńbek patenti” dep atalatyn), olarǵa JSN jáne ýaqytsha turýǵa ruqsat rásimdeledi.
Buryn bul qyzmetterdiń árqaısysy bólek kórsetiletin. Esepter men málimetterdi avtomattandyrý, ártúrli memlekettik organdardyń aqparattyq júıelerin yqpaldastyrý vedomstvo kórsetetin birqatar qyzmetterdi joıýǵa múmkindik berdi. Mysaly, 2019 jylǵy 1 qarashadan bastap turǵylyqty jerinen mekenjaı anyqtamasyn berý joıyldy (jyl saıyn 10 mln-ǵa deıin berildi), 2020 jyldyń qańtar aıynda elde ýaqytsha bolatyn sheteldikterdi tirkeý toqtatyldy (jyl saıyn 1,2-1,6 mln).
Endi bul málimetterdi memlekettik organdar tikeleı aqparattyq júıelerden, al azamattar smartfondardaǵy mobıldi qosymshalar arqyly alady.
Polısııanyń tirkeý-emtıhan bólinisteri qysqartyldy, endi avtokólikterdi esepten shyǵarý jáne tirkeý, memlekettik nómir belgisin tańdaý jáne daıyn qujattardy jetkizýge tapsyrys berý qashyqtyqtan júzege asyrylady, IIM bazalary boıynsha barlyq tekserýler avtomattandyrylǵan. Ishki ister organdary júıesinde memlekettik qyzmetter kórsetý prosesterin ońaılatý, olardyń sapasy men halyqqa qoljetimdiligin arttyrý, ákimshilik kedergiler men sybaılas jemqorlyqty týǵyzatyn jaǵdaılardy boldyrmaý jónindegi jumystar jalǵasa beredi.
