Senat depýtaty Sultan Dúısembınov osy máseleni sheshý joldaryn Premer-Mınıstrdiń atyna joldaǵan saýalynda kóterdi.
Depýtattyń aıtýynsha, keıingi kezeńde kóptegen jem-shóp túri 1,5-2 ese qymbattaǵan. Sonymen qatar Qazaqstan shetelden asyl tuqymdy qustardy, únemi qymbattap bara jatqan dárýmendik qospalar men basqa da kerek-jaraqty satyp alýǵa májbúr.
«Sońǵy ýaqytta qus ónimderiniń baǵasy turaqty túrde ósip keledi. Onyń taǵy bir sebebi, qus etiniń negizgi bóligi Reseı men Belarýs elinen ákelinedi. Sonymen qatar bizde qus tuqymdary joq. Olardy shetelden aldyrýǵa májbúr. Odan bólek tıisti qural-jabdyqtar men qajetti dárýmender de ózge elden keledi. Bizde jem-shópten basqa eshteńe joq deýge de bolady», dedi senator.
Baǵanyń ósýine ákeletin máselelerdi sheshý úshin qus ósirýshilerge memleket tarapynan qoldaý qajet.
Sultan Dúısembınov keıbir otandyq qus fabrıkalary qazir jabylý aldynda turǵanyn atap ótti. Senator osyǵan baılanysty sala kásipkerleri úshin Úkimet laıyqty jaǵdaı jasaýy tıis dep sanaıdy.
«Olardyń ishinde 5 jylǵa nesıe kanıkýlyn uıymdastyrýǵa járdemdesý, saqtandyrý syıaqylary jarnasyn sýbsıdııalaý jáne asyl tuqymdy qusty satyp alý, jem-shóp qoryn qurý, ákimshilik tosqaýyldardy joıý jáne josyqsyz básekelestikten qorǵaý bar», dedi Sultan Dúısembınov.
