«Turǵyndarǵa koronavırýsqa qarsy vaksına engizýdi bastaý qajet. Densaýlyq saqtaý mınıstri men Sanıtarlyq-epıdemıologııalyq ahýal jáne qoǵamdyq densaýlyq qyzmetiniń basshysy birinshi kezekte vaksına egilýi tıis turǵyndar sanatyn anyqtap, elektrondyq tizim qurýy tıis», dedi О́zbekstan prezıdenti.
Shavkat Mırzııoev sondaı-aq qosymsha mobıldik toptar qurýdy tapsyrdy.
«Otbasylyq emhanalar men aýyldyq dárigerlik pýnkterde vaksınalaýdyń 3 myń bólimshesin daıarlaý qajet. Sondaı-aq, turǵyndarǵa vaksına egýmen aınalysatyn mobıldik brıgadalar qurý kerek», dep túıindedi ol.
Eske sala ketsek, buǵan deıin Sanıtarlyq-epıdemıologııalyq ahýal jáne qoǵamdyq densaýlyq qyzmetiniń basshysy Botırjon Qurbanov О́zbekstan bıligi 2021 jyldyń sońyna qaraı el turǵyndarynyń 20 paıyzyn koronavırýsqa qarsy vaksınalaýǵa nıetti ekenin málim etken. Onyń sózinshe, jappaı vaksınalaýdy bastaý aqpan aıynyń sońy, naýryzdyń basyna josparlanǵan.
«Vaksınalaý prosesi búkil О́zbekstandy qamtıdy, biraq ol kezeń-kezeńmen ótedi. Birinshi kezeńde Pfizer vaksınasynyń 100 myń dozasyna tapsyrys berildi, taǵy basqa lısenzııalanǵan vaksınalar paıda bolǵan jaǵdaıda, olar da paıdalanylady», dedi Qurbanov.
