Qoǵam • 12 Aqpan, 2021

Jelide Dımashtyń 10 myń dollar syılaıtyny týraly jalǵan paraqsha ashyldy

499 ret kórsetildi

Facebook áleýmettik jelisinde otandasymyz Dımash Qudaıbergenniń 10 myń dollar syılyq beretini týraly aqparaty bar jalǵan paraqsha ashyldy, dep habarlaıdy Egemen.kz

2021 jyldyń basynda osy jelide «Tımatıden saýalnama» atty jarnama jıi shyqqan bolatyn. Aqparat senimdi bolyp kórinýi úshin ártis pen prodıýserdiń atynan vıdeoúndeý jarııalanǵan. Vıdeoda olar saýalnamaǵa jaýap bergenderge mıllıon teńge beretinin aıtqan. Saýalnamaǵa jaýap bergenderdi arnaıy saıtqa baǵyttaǵan, ol saıtta aqsha utyp alǵany úshin qomaqty komıssııa tóleýi kerektigi týraly aıtylǵan. Alaıaqtar Dımash Qudaıbergendi de aınalyp ótpedi. Facebook jelisinde Diimaash degen paraqsha paıda boldy. Atalǵan paraqshada Dımashtyń sýreti men ony tikeleı efırinen úzindi jarııalanǵan.

«Men búgin barshańyzǵa bata beremin. Bul kommentarıı jazǵan alǵashqy 1000 adamǵa (NAQShA) $ 10,000 alady. Munyń shyn ekenine senińiz. Bul syılyq bizdiń syılyqty buryn-sońdy jeńip almaǵan adamdarǵa arnalǵan», dep jazylǵan vıdeo sıpattamasynda.

Bul jalǵan paraqsha ekeniniń taǵy bir dáleli – pikirler arasyna paraqsha avtorlarynyń habarlama qaldyrýy boldy.

«Sálem barlyq jankúıerler ... bizdiń komandadan platformaǵa senim bildirgenińiz úshin raqmet. Inestasııany bastaý úshin siz ózińizdiń atyńyzdy tirkeýińiz kerek. Munda basyńyz => https://bit.ly/3tK4mOK, sodan keıin nusqaýlardy oryndańyz jáne sizdiń aty-jónińiz avtomatty túrde siz tabysqa jetkennen keıin tirkeledi, bizdiń komanda sizdiń jeńimpaz ekenińizge 100% kóz jetkizedi», dep jazylǵan habarlamada.

Shyn máninde osy siltemege ótken adamnyń jeke málimetteri alaıaqtardyń qolyna túsedi. Osylaısha bank qosymshalary men parolderi alaıaqtar úshin qoljetimdi bolyp, olar ony óz maqsattaryna qoldanatyn bolady.

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar