Barlyq ataýly áleýmettik kómek taǵaıyndaýǵa ótinish jedel túrde uzartyldy. Nátıjesinde 3,3 myń otbasynyń áleýmettik kómek alý merzimi uzartyldy. Ákimshilik tarapynan mundaı shuǵyl sharalardyń qashyqtan uıymdastyrylýy karantın kezinde koronavırýstyq ınfeksııadan saqtanýǵa múmkindik beredi.
Taǵy bir aıta ketetin jaıt, kómek alýǵa alǵash ótinish bildirgen azamattar elektrondyq úkimet portalynyń qyzmetine júgine alady. Bıylǵy jyldyń basynan bergi aralyqta osy tizimge 259 otbasy kirgen.
Budan buryn málim bolǵanyndaı, AÁK alýshylarǵa kómek taǵaıyndaý ótken jyldyń II, III jáne IV toqsandarynda TJ rejimi men karantındik shekteý sharalarynyń qoldanylýyna baılanysty uzartylǵan bolatyn. О́tken jyldyń IV toqsanynda 5,1 myń otbasyǵa AÁK taǵaıyndaý avtomatty túrde uzartyldy. Ataýly áleýmettik kómek otbasynyń árbir múshesine jan basyna shaqqandaǵy ortasha tabysy eń tómengi kúnkóris deńgeıiniń 70%-ynan tómen azamattarǵa taǵaıyndalady.
