Otyrys jumysyna «Áleýmettik medısınalyq saqtandyrý qory» KEAQ Basqarma tóraǵasynyń orynbasary Lázat Aqtaeva qatysty.
Jıyn barysynda MÁMS paketi sheńberinde qala turǵyndaryn medısınalyq qyzmettermen qamtýdy keńeıtý, saqtandyrý mártebesin, ásirese kásipkerlik sýbektiler qyzmetkerlerin ózektendirý máseleleri qaraldy.
Qordyń Almaty fılıalynyń dırektory Tileýhan Ábildaevtyń aıtýynsha, qala boıynsha 183 densaýlyq saqtaý sýbektilerimen TMKKK aıasynda jáne MÁMS júıesinde qyzmet kórsetý sharttary jasalǵan. Qarjylandyrý kómektiń barlyq túrleri boıynsha, onyń ishinde alǵashqy medısınalyq-sanıtarlyq kómek boıynsha - 7%-ǵa, profılaktıkalyq tekserýler - 162%-ǵa, konsýltasııalyq - dıagnostıkalyq qyzmetter boıynsha - 49%-ǵa, onkogematologııa boıynsha - 17%-ǵa, gemodıalız boıynsha - 6%-ǵa, stasıonardy almastyratyn kómek-13%-ǵa, stasıonarlyq kómek-8%-ǵa, qalpyna keltirý emi-63%-ǵa, pallıatıvtik kómek-12%-ǵa, áleýmettik máni bar aýrýlar boıynsha ósim-18%-ǵa ulǵaıdy.
Memleket basshysynyń tapsyrmasyn oryndaý barysynda COVID-19 koronavırýsymen kúres aıasynda epıdemııaǵa qarsy is-sharalardy júrgizýge tartylǵan medısına qyzmetkerlerin yntalandyrý jáne qoldaý úshin qarajat bólindi. Almaty qalasy boıynsha medısınalyq uıymdardyń qyzmetkerlerine 2020 jyldyń naýryz-jeltoqsan aılary aralyǵynda jalpy somasy 16,7 mlrd teńgege yntalandyrý tólemderi júrgizildi. 1 qyzmetkerge berilgen tólemniń ortasha somasy 328 033 teńgeni quraıdy.
Aqparattyq júıelerdiń derekteri boıynsha halyqty MÁMS júıesimen qamtý boıynsha oń dınamıka baıqalady. 2020 jyldyń 1 tamyzynan bastap jyl sońyna deıingi kezeńde Almaty qalasy boıynsha saqtandyrylmaǵan adamdardyń sany 22,6-dan 15%-ǵa qysqardy.
Shaǵyn jáne orta bıznes sýbektileri jumyskerleriniń tizimderin ózektendirý mańyzdy másele bolyp qala beredi. Almaty qalasy boıynsha 2020 jyldyń sońyna deıin MÁMS tóleýden bosatylǵan ShOB sany – 116 604. Olardyń 68,2%-y óz qyzmetkerleriniń tizimderin ózektendirdi nemese MÁMS úshin aýdarymdar men jarnalardy tóledi. «Saqtandyry» AJ-ne shaǵyn jáne orta bıznes sýbektileriniń osy qyzmetkerler derekterin engizý merzimi 2021 jylǵy 1 toqsannyń sońyna deıin uzartyldy.
Budan basqa, TMKKK jáne MÁMS paketterinde medısınalyq qyzmetterdi alý máseleleri boıynsha medısına qyzmetkerleriniń bilim deńgeıin, sondaı-aq saqtandyrylý mártebesin anyqtaýǵa baǵyttalǵan «Qupııa pasıent» jobasynyń qorytyndylary aıtyldy. Osylaısha, 26 medısınalyq uıymdar arasynda pasıentterdiń qanaǵattaný ındeksi «óte joǵary» - 81-100%, qalǵan 34-i «joǵary» dep belgilendi. Tirkeý bólimi men CALL-ortalyqtarda medısına qyzmetkerleriniń etıkasy men bilim deńgeıin arttyrý boıynsha jumys jalǵasýda.
Otyrys barysynda qalalyq qoǵamdyq densaýlyq saqtaý, kásipkerlik jáne ınvestısııalar basqarmalarynyń, aýdandyq ákimdikterdiń, memlekettik kirister Departamentiniń, «Atameken» kásipkerler palatasy basshylary, medısınalyq mekemelerdiń bas dárigerleri tyńdaldy.
Qala ákiminiń orynbasary, óńirlik shtabtyń jetekshisi Erjan Babaqumarov otyrysty qorytyndylap, birqatar tapsyrmalar berdi. Kásipkerlik jáne ınvestısııalar basqarmasy «Atameken» palatasymen jáne MKD-men birlesip, bıznes sýbektileri jelisi boıynsha derekterdi túsindirý jáne ózektendirý boıynsha jumysty kúsheıtýi qajet. Alǵashqy medısınalyq-sanıtarlyq kómek uıymdarynyń basshylaryna qala turǵyndaryn MÁMS júıesine tirkeý jáne aqparattyq júıelerdegi derekterdiń durys toltyrylýyn, sondaı-aq ambýlatorııalyq dári-dármekpen qamtamasyz etý máselelerin erekshe baqylaýǵa alý tapsyryldy.
Sonymen qatar, medısınalyq mekeme basshylaryna qyzmet kórsetý erejelerin buzǵany, ásirese jazbalardy tirkeý jáne is júzinde kórsetilmegen qyzmetterdi tirkegenderi úshin jaýapkershilikke tartylatyndary týraly eskertildi.
О́z kezeginde, «Áleýmettik medısınalyq saqtandyrý qory» KEAQ Basqarma tóraǵasynyń orynbasary Lázat Aqtaeva saqtandyrylǵan tulǵalardyń sanyn arttyrý jáne medısınalyq qyzmetterdi úzdiksiz kórsetýdi qamtamasyz etý úshin tólemder men jarnalar boıynsha bereshekterge jol bermeýdiń mańyzdylyǵyn atap ótti.
