Keshe, 12 aqpanda Indýstrııa jáne ınfraqurylymdyq damý mınıstri Beıbit Atamqulov О́zbekstan Respýblıkasynyń Qazaqstandaǵy Tótenshe jáne О́kiletti Elshisi Saıdıkram Nııazhodjaevpen kezdesti.
Taraptar ekijaqty yntymaqtastyqty tereńdetý perspektıvalaryn talqylady. Onyń ishinde ınfraqurylymdyq jobalarǵa erekshe nazar aýdardy.
Qazaqstan men О́zbekstan eki eldiń týrıstik áleýetin arttyrýǵa múmkindik beretin joǵary jyldamdyqty Túrkistan – Shymkent – Tashkent temirjol jolaýshylar qatynasyn júzege asyrý boıynsha jumystar júrgizýde. Budan basqa, О́zbekstan aýmaǵyna shyǵatyn Maqtaral – Darbaza jańa jelisin salý josparda bar. Ol joba Saryaǵash ótkeli pýnktiniń júktemesin edáýir azaıtady.
Sonymen qatar, Túrkistannan Tashkentke deıin sozylatyn jańa joǵary jyldamdyqty magıstraldy iske qosý kózdelip otyr.
Sondaı-aq, mınıstr men elshi áýe qatynasy jaıyn talqylady. Koronavırýs pandemııasyna qaramastan, eki el arasyndaǵy reıster turaqty oryndalýda. Bolashaqta olardyń sanyn ulǵaıtý, sondaı - aq О́zbekstannyń Úrgench, Samarqand, Núkis qalalarynan Qazaqstannyń Túrkistan, Aqtaý jáne Taraz qalalaryna jańa baǵyttar ashý josparda bar.
Infraqurylymdyq jobalardan bólek kezdesýge qatysýshylar ónerkásiptik jobalarǵa nazar aýdardy. Taraptar Qazaqstandaǵy mashına jasaý salasyna mamandanǵan, sondaı-aq О́zbekstan aýmaǵynda farmasevtıkalyq ónim shyǵaratyn birlesken kásiporyndar qurmaqshy. Sondaı-aq, Shymkentte dárilik zattar jáne gıgıenalyq buıymdar shyǵaratyn zaýyt salý josparlanyp jatyr.
