14 aqpandaǵy epıdemııalyq ahýaldy baǵalaý matrısasyna sáıkes, Qazaqstannyń bir oblysy ǵana «qyzyl» aımaqta qalǵan. Ol – Pavlodar oblysy. 13 aqpanǵa deıin «qyzyl» aımaqta bolǵan Aqmola oblysy «sary» aımaqqa ótti.
«Sary» aımaqta Aqmola oblysymen qatar Nur-Sultan qalasy, Qostanaı, Soltústik Qazaqstan, Batys Qazaqstan oblystary bar.
Qalǵan óńirlerdiń bári «jasyl» aımaqta. Jalpy Qazaqstan koronavırýstyń taralý qaýpi jaǵynan «jasyl» aımaqta tur.
Eske salsaq, buǵan deıin QR Bas memlekettik sanıtarlyq dárigeri Erlan Qııasovtyń karantın sharalaryn jeńildetý týraly jańa qaýlysy jarııalanǵan bolatyn. Qaýly erejelerine sáıkes, «jasyl» aımaqtaǵy óńirlerde meshitterge jurttyń jınalýyna, sonymen qatar mektep ashanalarynyń jumysyna ruqsat berildi.
