Oqıǵa túngi saǵat 00:40 shamasynda Jibek joly kóshesiniń boıynda bolǵan. Úıine kele jatqan Artem qatty aıqaılap kómekke shaqyrǵan áıel adamnyń daýsyn estıdi. Ol oılanbastan daýys shyqqan jaqqa júgiredi. Sol mezette eńgezerdeı eki er adamnyń jas qyzǵa kúsh kórsetip, zorlaýǵa áreket jasap jatqanyn baıqaǵan ol birden olarmen arpalysa ketedi. Buzaqylardyń bireýin shetke laqtyryp tastap, ekinshisimen tóbelesedi. Jekpe-jek urys tásilderin qoldana otyryp, buzaqyny jerge qulatyp, ústinen basyp otyrady, al ekinshisi sol mezette oqıǵa ornynan qashyp úlgeredi.
Ustalǵan azamatty oqıǵa ornynan polısııa qyzmetkerleri alyp ketti, ol Shymkent qalasynyń Eńbekshi aýdandyq polısııa basqarmasyna jetkizildi.
«Men qyzdyń aıqaılaǵan daýysyn estigen kezde, oılanbastan birden sol jaqqa júgirdim. Meniń oıymsha árbir azamat týra osylaı jasar edi», deıdi Artem Kalashnıkov.
Kúdiktilerli ustaý kezinde ulandyq qolyn jaraqattap alǵan eken, biraq soǵan qaramastan, polısııa qyzmetkerleri kelgenshe olarmen arpalysqan.
Qazirgi tańda bul is boıynsha qylmystyq is qozǵaldy, ekinshi kúdikti izdestirilip jatyr.
