Atalǵan qujatqa qaıta óńdelgen sútke qoıylatyn talaptar engizildi, ol ónimniń syrtyndaǵy qaptamasyna jazylatyn sút ónimderine baılanysty.
– Osylaısha, ony ónimdi sáıkestendirý jáne qaýipsizdik kórsetkishterine qatysty belgisi joıyldy, – dedi EEK baspasóz qyzmeti.
Komıssııa búgingi kúnge deıin qalpyna keltirilgen sútti óndirýshiler óz ónimderin tańbalaǵanda, tutynýshylarǵa unamaıtyn ataýdy, ıaǵnı «qalpyna keltirilgen sút» degen jazýdyń ornyna «sút sýsyny» degen tańbany qoldanýǵa májbúr bolǵanyn atap ótti. Atalǵan ózgerister qalpyna keltirilgen sútti óndirýshilerdi anyqtap, ony ónim qaptamasyna «qalpyna keltirilgen sút» dep jazyp, aınalymǵa shyǵarýǵa múmkindik beredi.
EEK Keńesiniń sheshimi Komıssııanyń veb-saıtynda resmı jarııalanǵan kúnnen bastap 180 kúntizbelik kún ótken soń kúshine enedi.
EAEO «Sút jáne sút ónimderiniń qaýipsizdigi týraly» tehnıkalyq reglamentine sáıkes, «qalpyna keltirilgen sút» degenimiz qaptalǵan sút nemese sút óńdeý ónimderin óndirýge arnalǵan shıkizattan basqa, qoıýlandyrylǵan nemese keptirilgen sút ónimderi men sýdan jasalǵan sýsyndardan basqa sút ónimderi bolyp tabylady.
«Tehnıkalyq reglamentke engizilgen ózgerister qalpyna keltirilgen sútti tutynýshy oraýyshyna oralǵan daıyn sút ónimi retinde jikteıdi, ony sáıkestendirý men qaýipsizdik kórsetkishterine, sondaı-aq tıisti tańbalaýǵa qoıylatyn talaptardy belgileıdi. Bul adal óndirýshilerge ony qalpyna keltirilgen sút retinde aınalymǵa jiberýge múmkindik beredi» delingen habarlamada.
2019 jyldyń 11 qańtarynan bastap Eýrazııalyq ekonomıkalyq odaq (EAEO) elderinen sút maıyn almastyratyn sút ónimderin óndirýshiler qaptamada ósimdik maılarynyń bar ekendigi týraly aqparatty ornalastyrýy kerek. Endi tutynýshylar dúken sórelerinde sútti maı almastyrǵysh qosylǵan nemese qosylmaǵan ónimderdi anyq ajyratyp, olar qandaı ónimdi satyp alatyndyǵy týraly aqparat alady.
О́simdik maılary bar sút ónimderin óndirýshilerge bekitilgen «Sút jáne sút ónimderiniń qaýipsizdigi týraly» EAEO tehnıkalyq reglamentterine ózgerister kúshine enetin ótpeli kezeń aıaqtaldy.
О́zgerister Eýrazııalyq ekonomıkalyq komıssııa (EEK) Keńesiniń 2017 jylǵy 10 qarashadaǵy No 102 sheshimimen qabyldandy.
