Kásiporyn mamandary Almaty qalasynyń saýda jelisinde erler kostıýmderi men mektep formasyn shyǵaratyn basqa óndirýshilerdiń uqsas ónimderin taldaý boıynsha turaqty jumys júrgizedi. О́z ónimderin satýdyń básekege qabilettiligin qamtamasyz etý úshin joǵary sapaly shıkizat qoldanylady, balalar men erlerdiń antropometrııalyq málimetterindegi ózgeristerdi eskere otyryp, balalar men erler kıimderiniń yńǵaıly dızaıny jasalady. Tehnologııalyq túıinderdiń jáne kıim tigýdiń jańa túrleri ázirlenedi.
Jańa tehnologııalardy ıgerýdiń jáne tutynýshylardyń qajettilikterine nazar aýdarýdyń arqasynda kompanııa ishki naryqta laıyqty oryn aldy. Qyzdar men uldarǵa arnalǵan mektep formasynyń qatary jartylaı jún matadan (45% jún + 40% polıester + 15% polıamıd) jasalǵan. Mata ónimniń qaýipsizdigi boıynsha sanıtarlyq – epıdemıologııalyq saraptamadan ótti, gıgıenalyq talaptarǵa sáıkestik sertıfıkaty bar. Mektep formasy toptamasynyń tústeri-qara kók jáne sur-kók tústi.
"Angelcher" JShS dızaınnan daıyn ónimge deıin mektep formasyn óndirýdiń tolyq sıklin qamtamasyz etedi. Tigý boıynsha jeke jáne ujymdyq ótinimderdi oryndaıdy. Sonymen qatar, kompanııa kostıýmderge oqý ornynyń sımvolıkasyn tigýdi de júzege asyrady. О́tken jyldyń qorytyndysy boıynsha tigin kompanııasy uldarǵa arnalǵan 17 myńǵa jýyq jıyntyqty (pıdjak, jılet, shalbar) jáne qyzdarǵa arnalǵan 26 myńnan astam jıyntyqty (jaket, jılet, shalbar, beldemshe, sarafan) tigip berdi.
Aıta ketý kerek, kásiporyn qala ákimdigi uıymdastyrǵan jármeńkeler men kórmelerge belsendi qatysady. "Angelcher" tigin kompanııasynyń ónimi 2012 jáne 2017 jyldary "Qazaqstannyń úzdik taýary" óńirlik kórme-baıqaýynda 1 oryn,a ıe boldy. 2016 jyly kompanııa Nur-Sultan jáne Almaty qalalaryndaǵy mektep formasynyń forým-kórmesine qatysyp, kópshiliktiń jyly lebizderine ıe boldy.
"Angelcher" JShS Qazaqstan Respýblıkasynyń otandyq óndirýshiler tizilimine kiredi, ST-KZ sertıfıkaty jáne ındýstrııalyq sertıfıkaty, qazaqstandyq óndirýshilerdiń "Qazaqstanda jasalǵan" taýarlar kórmesine qatysqany úshin dıplomy bar.
