Foto avtory: Maksım Zolotýhın
Bul basqarma qarqyndy damyp jatqan kreatıvti ekonomıkany eskere otyryp qurylyp otyr. Álemdik tájirıbege qaraıtyn bolsaq, shyǵarmashylyq pen mádenıet salasy aqparattyq jáne ınnovasııalyq tehnologııalarymen birigip damyp otyrsa, bul salalalar odan ári órkendeı túsedi.
Jańa basqarmanyń negizgi mindeti – kreatıvti ındýstrııa salasynda zamanaýı, eń úzdik shyǵarmashylyq jumystarǵa qoldaý kórsetip, olardy saqtaýǵa, jańa ónim shyǵaryp, olardy jarııa etýge arnalǵan kreatıvti ortany qalyptastyrý, sondaı-aq, kreatıvti ındýstrııanyń ónimderine joǵary suranysty qamtamasyz etip, kreatıvti jumys keńistikterdi damytý bolyp tabylady. Sonymen qatar, basqarma ulttyq valıýtany nyǵaıtýdyń negizgi sebebiniń biri, ıaǵnı zııatkerlik ónimniń eksporttyq quramdas bóligin arttyrý boıynsha jumys júrgizedi.
Kreatıvti ındýstrııalar basqarmasy aqparattyq, bilim berý, ǵylymı-zertteý tehnologııalaryn jáne osy zamanǵy ozyq tájirıbeler men ádisterdi engizý arqyly mádenıet mekemeleriniń qyzmet kórsetý sapasyn arttyrý; Mádenıet mekemelerdi quramynda oıyn-saýyq kesheni bar zamanaýı, kópfýnksıonaldy jáne tutynýshy talaptaryna saı áleýmettik ortalyqtaryna aınaldyrý; mádenıet pen oıyn-saýyq ınfraqurylymyn damytý maqsatynda jeke ınvestısııalardy jáne basqa da qarjylandyrý kózderin tartýǵa jaǵdaı jasaý; «Ivent-brendter», qaladaǵy is-sharalardy ótkizý men túrli mádenıet ónimderine qoldaý kórsetý arqyly qalanyń týrıstik, ınvestısııalyq jáne mádenı tartymdylyǵyn arttyryp, álemdik mádenı keńistigine ený baǵytyndaǵy jobalardy qoldaıdy.
Kreatıvti ındýstrııalar basqarmasynyń qurylýy mádenıet pen jalpy shyǵarmashylyqtyń órkendeýine ǵana emes, sonymen qatar, týrıster sanynyń artýyna yqpal etip, álemge tanymal shyǵarmashylyq tulǵalardyń arqasynda búkil elimizdiń ımıdjin kóterýge yqpal etetin bolady.
Bul jospardyń bári shyǵarmashylyq sektordy kommersııalandyrý, zııatkerlik áleýetti damytý jáne shyǵarmashylyq óndiristi keńeıtý arqyly júzege asyrylatyn bolady.
