Aımaqtar • 16 Aqpan, 2021

Ottegini ózderi óndiredi

84 ret kórsetildi

Atyraýda PTR-test synamasyn tapsyrýǵa nıettiler qatary kóbeıe tústi. Máselen, 9 aqpanda 6 391 synama tapsyryldy. Oblystyq densaýlyq saqtaý basqarmasy baspasóz qyzmetiniń málimetinshe, bul – pandemııa bastalǵaly beri elimizde bir táýlikte tirkelgen eń joǵary kórsetkish.

Buǵan deıingi táýliktik joǵary kórsetkish bıylǵy 6 qańtarda tirkelgen edi. Sol kezde 6 081 synama alynypty. Qazir óńirde 12 PTR-test zerthanasy jumys istep tur. Byltyrǵy naýryzdan beri atalǵan zerthanalarda 666 myń PTR-test synamasy júrgizildi.

Al aýrýhanalarda 7 ottegi stansasy iske qosyldy. Buryn mundaı ortalyqtandyrylǵan ottegi stansasy oblystyq pe­rınataldyq ortalyqtyń bazasynda ǵana bolǵan eken. Alaıda byltyrǵy koronavırýs pandemııasynyń bi­rinshi kezeńinde aýrýhanalardy ottegi stansasymen qamtý qajettigi baıqaldy. Osyǵan oraı oblys­tyq kar­dıo­logııalyq orta­lyq pen ob­lys­tyq aýrýhanada, Aty­raý qalasyndaǵy jańa mo­dýldik ınfeksııalyq aýrý­hanada, Qurmanǵazy men Qyzyl­qoǵa aýdandyq aýrýhanalarynda ortalyqtandyrylǵan ottegi stansasy jumysyn bas­ta­dy.

Endi bıyl №2 oblystyq aýrýhanada da jabdyqtalǵan ottegi stansasy ashyldy. Ob­lys­tyq aýrýhananyń dırektory Erbol Imanǵalıevtiń aıtýynsha, stansalar avtomatty túrde basqarylyp, ózdiginen ottegi óndiredi.

– Buǵan deıin aýrýhanada derbes ottegi tasymalyn jú­ze­ge asyratyn núkteler bol­ǵan edi. Bul ótken jylǵy jazdaǵy pandemııa órshigen tusta azdyq etti. Sol sebepten qos ókpesine aýa jetpeı qınalǵan ár naýqasqa ottegi ballonyn qoldanýǵa májbúr boldyq. Endi biz mundaı máj­búr­likten qutyldyq. Ottegi stansasynyń qýaty naý­qas­tar­dy tolyq qamtýǵa jetedi, – deıdi E.Imanǵalıev.

Aýrýhanadaǵy ottegi sehy kıslorod taratatyn 360 núk­teni qamtamasyz etip tur. Tipti elektr energııasy óshken jaǵ­daı­da oǵan qosymsha generator paıdalanylmaıdy. О́ıtkeni ottegi stansasynyń qýaty men qysymy úsh kúnge deıin saq­ta­la­dy. Qazir ınfeksııalyq stasıonarda koronavırýs ınfeksııasymen aýrýy asqynǵan naý­qas­tar joq. Dárigerler ot­tegini jansaqtaý bóliminde ǵana paıdalanady.

Bıyl osyndaı ottegi stansa­syn Inder aýdandyq aýrýhanasy men Jylyoı aýdanynyń ortalyǵy – Qul­sary qalasynda sa­lynyp jat­qan modýldik ınfek­sııalyq aýrýhanada iske qo­sý josparlanyp otyr.

Atyraý oblysy

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar