«Jolaýshylar tasymaly salasy aıtarlyqtaı jańǵyrtyldy. Búgin ekologııalyq taza otynmen júretin 41 jańa avtobýs jolǵa shyqty. №45, 70 sııaqty baǵyt boıynsha qatynaıtyn avtobýs parkin jańartamyz. Syıymdylyǵy 90 adamǵa arnalǵan úsh esikti 12 metrlik jańa avtobýstarda múmkindigi shekteýli azamattarǵa arnalǵan jyljymaly platforma bar. Avtobýstar beınebaqylaý, jolaýshy aǵynyn esepteıtin avtomatty júıe jáne júrgizýshiniń jaǵdaıyn baqylaıtyn datchıkpen jabdyqtalǵan», dep jazdy B. Saǵyntaev.
Onyń aıtýynsha, «Almatyelektrotrans» kommýnaldyq avtoparki barlyǵy 150 avtobýsty jetkizýge kelisimshart jasaǵan. Qalǵan 109-y jaqyn arada keledi.
Sondaı-aq jeke tasymaldaýshylar 83 avtobýs, sonyń ishinde 38 elektrobýs satyp alýdy josparlap otyr. Osylaısha bıyl jolaýshylar tasymaly parki 233 ekologııalyq taza kólikpen jańartylady.
