Úkimet • 16 Aqpan, 2021

Úkimet Nur Otan-nyń saılaýaldy baǵdarlamasyn iske asyrý jónindegi jol kartasyn bekitti

30 ret kórsetildi

Úkimet otyrysynda QR Premer-Mınıstriniń birinshi orynbasary Álıhan Smaıylov Nur Otan partııasynyń «О́zgerister joly: Ár azamatqa laıyqty ómir!» Saılaýaldy baǵdarlamasynda Elbasy men Memleket basshysy bergen tapsyrmalalardy oryndaý aıasynda atqarylatyn is-sharalar týraly baıandady, dep habarlaıdy Egemen.kz.

Á. Smaıylovtyń aıtýynsha, tapsyrmalardy sapaly ári tolyqqandy iske asyrý maqsatynda Úkimet Nur Otan fraksııasy jáne partııanyń ortalyq apparatymen birlesip arnaıy Jol kartasyn ázirledi. Jol kartasy Saılaýaldy baǵdarlamasynyń 4 baǵytyn iske asyrý boıynsha 362 tarmaqty qamtıdy. «Jol kartasynyń barlyq nysanaly sharalary men ındıkatorlary jaýapty memlekettik organdardy bekite otyryp, jyldar, salalar jáne óńirler boıynsha bólinedi», dedi Premer-Mınıstrdiń birinshi orynbasary. 

Bıyl aqpan aıynda Jol kartasy Parlament Májilisi depýtattarynyń qatysýymen ótken «Nur Otan» partııasy fraksııasynyń otyrysynda qaralyp, maquldandy. Partııa fraksııasy jyl saıyn aqpan aıynda Jol kartasyn iske asyrý barysy týraly Úkimetti tyńdaýdy josparlap otyr.

Osyǵan baılanysty, Á. Smaıylovtyń aıtýynsha, Jol kartasyn júzege asyrý boıynsha shtab qurý kerek. Bul rette, jumys organy retinde Ulttyq ekonomıka mınıstrligin belgileý usynylady. Shtab otyrysyn aptasyna bir ret ótkizý josparlanǵan, onda Jol kartasynyń is-sharalaryn iske asyrý máseleleri qaralady. Shtab jumysy boıynsha barlyq aqparat turaqty túrde Premer-Mınıstrge baıandalady.

«Árbir ortalyq memlekettik jáne jergilikti atqarýshy organda jaýapty oryndaýshy retinde birinshi basshynyń orynbasary bekitiliýi kerek. Sondaı-aq Jol kartasynyń iske asyrylýyn monıtorıngileý jáne taldaýmen ǵana aınalysatyn jobalaý toptary qurylýy tıis», dep atap ótti Á. Smaıylov.

Sonymen qatar Ulttyq ekonomıka mınıstrligi múddeli memlekettik organdarmen birlesip: ındıkatorlardyń serpindi jáne turaqty monıtorıngin qamtamasyz etý úshin Jol kartasy kórsetkishteriniń sıfrlyq kartasyn ázirleýi tıis;

Shtabtyń qaraýyna shyǵara otyryp, Jol kartasynyń nysanaly ındıkatorlaryna turaqty monıtorıngti júzege asyrýy qajet.

«Jol kartasy – Partııanyń baǵdarlamasyn iske asyrý boıynsha Úkimettiń aldaǵy 5 jylǵa arnalǵan naqty is-qımyl jospary. Barlyq sharany sapaly iske asyrý halyqtyń ómir súrý sapasy men ál-aýqatyn arttyrýǵa múmkindik beredi», dep túıindedi Á. Smaıylov.

Sońǵy jańalyqtar

Agrosalada ilkimdi ister kóp

Aımaqtar • Keshe

«Aıqaıdyń» astary

О́ner • Keshe

Baıron uıyǵy

Ádebıet • Keshe

Berikqara shatqalyndaǵy baılyq

Ekologııa • Keshe

Qasteev qazynalary

О́ner • Keshe

«Balapan qazdyń» tarıhy

О́ner • Keshe

Abaı kúni atalyp ótti

Abaı • Keshe

Kún gúli

Tanym • Keshe

Uqsas jańalyqtar