Rýdolf Bertanolı elordalyq dárigerler úshin «Julyn neırohırýrgııasynyń ózekti máseleleri» taqyrybynda bes kúndik sheberlik sabaǵyn ótkizedi.
Baǵdarlamada omyrtqa men julynnyń neırohırýrgııalyq aýrýlarynyń negizgi aspektilerin, etıologııasy men patogenezin egjeı-tegjeıli ashyp, tyńdaýshylardy julyn neırohırýrgııasynyń erekshelikterimen tanystyrady.
Búgin álemge áıgili dáriger moıyn omyrtqasynda jaryqshasy bar naýqasqa jasalatyn ota kezinde neırohırýrgtarǵa keńes beredi.
«Germanııadan kelgen qonaǵymyzdyń saparynyń maqsaty – julyn neırohırýrgııasy salasyndaǵy kásibılikti jetildirý. Jyldar boıy jınaǵan bilimin bóliskeni úshin alǵysymyzdy bildiremiz», - dep habarlaıdy Qoǵamdyq densaýlyq saqtaý basqarmasy.
Professor Rýdolf Bertanolı omyrtqa operasııalarynyń túrli klassıkalyq tehnıkasyn meńgergen. Sonymen qatar, operasııa jasaýda óz tehnıkasyn oılap shyǵarǵan.
