«Qorshaǵan ortaǵa tehnogendi júktemeni azaıtý jumystaryn jalǵastyrýdamyz. Qoǵamdyq jáne kommýnaldyq avtoparkterdi ekologııalyq taza otynǵa aýystyrý jumysymen qatar tranzıttik júk kólikteriniń qozǵalysyn shekteý múmkindigin de zerdeleımiz. Júrgizilgen monıtorıng boıynsha qalaǵa táýligine 17 myńnan astam júk kóligi kiretinin kórsetti», - dep jazdy Almaty ákimi Facebook-taǵy óziniń paraqshasynda.
B. Saǵyntaevtyń aıtýynsha, bul máseleni jan-jaqty zerdeleý úshin Polısııa departamenti men Jasyl ekonomıka basqarmasynyń qyzmetkerleri, sarapshylar qaýymdastyǵy, sondaı-aq kólik pen kommýnıkasııa ǴZI mamandary tartyldy. Qazirgi ýaqytta lastaýshy qaldyqtyń kólemi, marshrýtty ázirleý men ótkizý qabiletin esepteý boıynsha zertteý júrgizilýde. Nátıjesinde megapolıstiń ekologııasy jaqsarady.
Buryndary Almaty ákimi qalalyq qoǵamdyq kólik parkiniń ekologııalyq kógildir otynmen júretin 41 avtobýsqa jańarǵanyn habarlaǵan edi.
ALMATY
