B. Saǵyntaevtyń Almaty dıalogy 2.0 eseptik kezdesýi onlaın formatta ótip jatyr. Qujattamalyq fılmde qalanyń 2020 jyly qalaı ómir súrgeni jáne kúreskeni, qandaı mejelerdi baǵyndyrǵany, Almatynyń bıylǵy jyly kandaı máseleler boıynsha jumys jasaıtyny baıandalady.
«Rasynda da árqaısymyz úshin ótken jyl shıelenisterdi baǵyndyrǵan jyl boldy. Álemdik pandemııa bizdiń qoǵamymyzdyk ómirin túbegeıli ózgertti. Mentalıtetimizge, ómir súrýimizge yqpal etti. Pandemııa áleýmettik jáne ekonomıkalyq salalarǵa keri áserin tıgizdi. Biraq bizdiń «Almaty birgemiz» degen sózde kórinis tapqan almatylyq yntymaǵymyz bizge pandemııany aýyzdyqtaýǵa kómektesti», dep atap ótti qala ákimi Baqytjan Saǵyntaev.
Qala turǵyndarynyń arasynda ınfeksııanyń keń taralýyna jol bermeý maqsatynda Almaty ákimdigi áleýetsiz shyǵyndardan bas tartyp, bıýdjetti ońtaılandyrdy, COVID-19-ǵa qarsy kúreske 19 108,4 mlrd teńge bóldi. Osynyń arqasynda qysqa merzim ishinde 2 modýldi klınıka salyndy, RV-90 ınfeksııalyq stasıonardyń, patologoanatomııalyq bıýronyń qurylysy aıaqtaldy. Klınıkalardyń materıaldyq tehnıkalyq bazalary 41,8 mlrd teńgege nyǵaıtyldy. Medısınalyq preparattar men dári-dármekterdiń tapshylyǵyn boldyrmaı Turaqtylyq qoryn qurý úshin qalalyq bıýdjetten 10 mlrd teńge bólindi. Onyń 5 mlrd dárihanalardy qamtamamyz etýge, 5 mlrd aýrýhanalar men emhanalarǵa bólindi.
Jedel járdemniń jáne alǵashqy medıko-sanıtarlyq kómektiń jumystary kúsheıtildi. Kún saıyn 103 pýltine qalalyqtardan tórt myńǵa deıin qońyraýlar túsip otyrdy. Qadamdyq medısınalyq qyzmetpen qamtamasyz etýdiń úsh jyldyq qalalyq josparynyń aıasynda 16 ambýlatorııa iske qosyldy. Jedel járdem qyzmeti jańa reanımobıldermen qamtamasyz etildi. Zamanaýı qurylǵylarmen jabdyqtalǵan 135 jedel járdem kóligi satyp alyndy.
Kadrlar rezervi jasaqtaldy. Medısına qyzmetkerleriniń jalaqysy 30 %-ǵa kóterildi. 50 myńnan astam medısınalyq qyzmetkerlerge 16,7 mlrd kóleminde jalaqylaryna qosa ústeme aqy tólendi. Qalalyqtarǵa qashyqtan keńes berý úshin Telemedısına ortalyǵy quryldy.
Daǵdarysqa qarsy tıimdi sharalardyń arqasynda ınfeksııanyń keń taraýyna, ólim-jitimge tosqaýyl qoıylyp, vaksınalaýdyń bastalýyna deıin ýaqytty jeńýge múmkindik týdy. Almatyda 2021jyldyń aqpanynda halyqty jappaı vaksınalaýdyń aýqymdy naýqany bastaldy.
«Qala pandemııany laıyqty jeńip keledi. Búgingi kúni Almaty jasyl aımaqta. Bul biz qurǵan júıeler men qabyldaǵan sheshimlerdiń tıimdiligin kórsetedi», dedi B. Saǵyntaev. Ol COVID-19-ǵa qarsy bastalǵan vaksınalaýdyń qala ómirin qalpyna keltirýge jáne pandemııadan keıin ekonomıkany qaıta jańǵyrtýǵa oń yqpal etetinin atap ótti.
