- Taldyqorǵanda gazdandyrýdyń IV kezegi aıaqtaldy, ótken jyly jumysty kúsheıtip, gazǵa 16 myń abonenttti qostyq. Barlyǵy 54 myń abonenttiń 22 myńy qosylǵan. Bıylǵy jyly osy qarqynnan túsirmeýimiz kerek, - dedi A. Batalov.
Onyń aıtýynsha, Balqash, Qaratal, Kerbulaq, Kóksý, Eskeldi aýdandary men Tekeli qalasynda kvartalishilik júıeler salynýda.
«Taldyqorǵan – Úsharal» jáne «Shelek - Kegen» magıstraldy gaz qubyryn salýdyń JSQ-syn daıyndaý aıaqtalyp, bul jobada Aqsý, Sarqan, Alakól, Raıymbek, Kegen aýdandary qamtylady. Qurylys jumystary kelesi jylǵa deıin bastalady, 2025 jylǵa qaraı gazdandyrý deńgeıi 76%-ke jetkizilip, kógildi otynǵa qosylýǵa 1,5 mln adam múmkindik alady.
2018 jyldan bastap shaǵyn qalalardaǵy kóp qabatty úılerdi gazben jumys isteıtin blokty-modýldi qazandyqtar ornatý jolymen ortalyqtandyrylǵan jylý júıesine qosý máselesi sheshilýde.
Úsh jyl ishinde Talǵar jáne Qaskeleń qalalarynda 4898 páterlik 152 úı osyndaı júıege qosyldy. Esik jáne Jarkent qalalaryn qamtı otyryp, bul málese 2023 jylǵa qaraı tolyǵymen sheshiledi. Bul halyqtyń ómir sapasyn kóterýge, ekologııany jaqsartýǵa múmkindik beredi.
Sondyqtan da Taldyqorǵanda ótken jyly biz eki qazandyqty gazǵa aýystyrdyq, bıylǵy jyly taǵy ekeýin kógildir otynǵa aýystyramyz, sol sııaqty gazben júretin 55 avtobýs satyp alyp jatyrmyz. Bul sharalar qorshaǵan ortany lastaıtyn shyǵaryndylar kólemin azaıtyp, qalanyń aýasyn taza ustaýǵa jaǵdaı jasaıdy.
Halyqty sapaly aýyz sýmen qamtý úshin Jumyspen qamtý jol kartasymen ótken jyly 84 aýylda jalpy somasy 17 mlrd teńgege 109 joba iske asyryldy.
Ortalyqtandyrylǵan aýyz sýmen qamtý deńgeıi 98,3% jetti bul – respýblıkadaǵy eń joǵarǵy kórsetkish. 2023 jylǵa qaraı 100%-ke jetedi.
