Osy maqsatta tájirıbege baǵyttalǵan oqytý baǵdarlamasy barynsha úılesimmen biriktirilip, bilikti mamandardy daıyndaý, qazirgi kezde bilim berýdiń bir júıesi retinde qoldanylýda.
Qoıylǵan basty mindet - memlekettik qurylymdardyń kúshin biriktirý, jumys berýshiler men oqý oryndaryn oblystyq kásiporyndar men ónerkásipterdi bilikti mamandarmen qamtamasyz etý máselesinde jumyldyrý.
Jalpy teorııalyq bilim tájirıbemen ushtasqanda ǵana maman óz kásibine tóseledi. Osy oraıda, oblysta stýdentterdi óndiristik tájirıbege tartý jumysyna da eleýli kóńil bólinýde.
Jumys berýshilerdiń qatysýynsyz ekonomıkaǵa bilikti kadrlardyń aspannan jaýmaıtyny anyq. Osyny eskergen Sh. Esenov atyndaǵy tehnologııalar jáne ınjınırıng ýnıversıteti men «Qarajanbasmunaı» AQ kompanııasy 2020-2021 oqý jylynyń basynda yntymaqtastyq kelisimsharttarǵa qol qoıyp, tyǵyz baılanys ornatqan bolatyn. Aqpan aıynyń 5-nen bastalǵan tájirıbe alańyna «Injınırng» fakýltetiniń bir top stýdentteri óndiriske asa qajetti hımııalyq sý tazartý apparatshysy, elektromonter, tokar, baqylaý-ólsheý qurylǵylary jáne avtomatıka boıynsha jóndeýshiler, defektopıst sııaqty mamandyqtary boıynsha barýǵa joldama aldy.
Munyń barlyǵy – básekege qabiletti maman bolamyn degen jandarǵa jasalǵan birden-bir múmkindik. Atalǵan joba boıynsha stýdentterdiń bilimin jetildirý maqsatynda qolǵa alynǵan jumystardyń biri – shtattyq qyzmetkerler sııaqty barlyq jaǵdaıynyń qamtamasyz etilýi edi. Osy turǵyda joba boıynsha barlyq shyǵyndy mekeme óz mindetine aldy.
- Munyń barlyǵy bilimge, kásibı biliktilikke jiti nazar aýdaryp, jastardyń sapaly maman ıesi bolyp shyǵýyna jasalǵan jaǵdaı dep bilemin. Stýdentter osy áleýmettik seriktestermen teorııa men tájirbıeni ushtastyryp jumystar jasaýda jáne olar óndiristik mashyqtaný kezinde ozat is tájirıbeli mamandardan úırenip, jańa jabdyqtalǵan tehnologııany meńgeredi. Oqý kýrsyna baılanysty 8-10 aı kóleminde jumystar jasaıdy. Nátıjesinde eńbek kitapshasynda ken ornynda tájirıbeden ótkendigi jazylady. Bir qýantarlyǵy, ýnıversıtetti «Qarajanbasmunaı» AQ kompanııasy qoldaýǵa árkez yntaly. Iаǵnı, ózderine qajetti bolashaq mamandy maqsatty oqytyp nemese stýdentterdi eń alǵashqy kýrstan bastap óndiristik tájirıbeden ótkizip, keıin jumysqa shaqyrýdy kózdeıdi.
Qoryta kele, bizdiń basty baǵytymyz – óziniń týǵan jeri men elin súıetin, bilimdi de bilikti, utqyr oıly urpaqtar tárbıeleý. Stýdentterimiz sapaly bilim alyp, otanǵa degen patrıottyq sezimin, eline degen súıispenshiligin bolashaqqa degen nyq senimmen qadam basyp, qoǵamǵa qajetti maman ıesi bolady dep senim artamyn, deıdi Bólekbaeva Gúlmıra Jaıbergenqyzy.
