– Polısııa qyzmetkerleri atalǵan kólikti kúdiktilerdiń birine tıesili garajdardy tintý júrgizý kezinde tárkiledi. Buǵan deıin pavlodarlyq jedel qyzmetkerler qymbat avtokólikterdi urlaýmen aınalysqan qylmystyq topty ustaǵan bolatyn. Uıymdasqan qylmystyq topty nemese qylmystyq uıymdy qurý jáne oǵan qatysý faktisi boıynsha polısııa qyzmetkerleri Qazaqstan Respýblıkasy QK-niń 262-baby boıynsha sotqa deıingi trgep-tekserý júrgizýde, – dedi brıfıngte Pavlodar oblysy polısııa departamentiniń bastyǵy Nurlan Másimov.
Top quramyna Qaraǵandy oblysynyń úsh turǵyny kirdi. Búgingi tańda túrli markaly 8 avtokólik tabyldy: «Toyota Avensis» markaly eki avtokólik, «Toyota Land Cruiser Prado120» markaly tórt avtokólik, «Lada-Granta» jáne «Gazel».
Urlyq faktisi boıynsha Qazaqstan Respýblıkasy QK 188-babyna sáıkes sotqa deıingi tergeý júrgizilýde. Kúdiktiler qamaýǵa alyndy.
