Shymkentte Úkimet basshysyna ótkizý qabileti saǵatyna 2000 jolaýshyny quraıtyn halyqaralyq áýejaıdyń jańa jolaýshylar termınalynyń qurylysy týraly baıandaldy. Ony bıyl qazan aıynda iske qosý kózdelgen. A. Mamın bıyl paıdalanýǵa berý josparlanǵan D.Qonaev dańǵyly men T.Rysqulov kóshesiniń qıylysyndaǵy kólik jolaıryǵynyń qurylysymen tanysty. Sonymen qatar Úkimet basshysy sorǵy qondyrǵylaryn, qubyr armatýrasyn jáne elektr jabdyǵyn shyǵaratyn «Karlskrona LC AB» JShS-ǵa bardy. Kásiporynnyń qýattylyǵy 2,5 myńnan 10 myńǵa deıin sý sorǵysyn, sondaı-aq 7 myń tonna quıma men standartty emes jabdyqtardy quraıdy.
Premer-Mınıstr «Shymkent Sıtı» shaǵyn aýdanynyń qurylys barysymen tanysty, onda ınvestorlar «Shymkent» áleýmettik-kásipkerlik korporasııasymen birlesip, turǵyn úı qurylysy (532 myń sharshy metr turǵyn úı) jáne bilim berý (3800 oryndyq 2 mektep) salalaryndaǵy 9 jobany iske asyrýǵa 199 mlrd teńge baǵyttaıdy.
Budan bólek, Asqar Uzaqbaıulyna qalanyń áleýmettik-ekonomıkalyq damý barysy baıandaldy.
Bıylǵy qańtar aıynda Shymkent qalasynda ónerkásip ónimin óndirý kólemi 2020 jyldyń tıisti kezeńine qaraǵanda 9,6%-ǵa ulǵaıyp, 54,4 mlrd teńgeni qurady. О́ńdeý ónerkásibinde turaqty dınamıka baıqalyp otyr, ol jyl basynan beri 10,6%-ǵa ósti. Farmasevtıka (+54,6%), koks jáne munaı ónimderin óndirý (+12,6%), ózge de metall emes ónimder (+12,2%), azyq-túlik ónimderin shyǵarý (+7,2%) ósimniń negizgi qozǵaltqyshtaryna aınaldy. Qurylys kólemi 27,5%-ǵa – 1,5 mlrd teńgege deıin ulǵaıdy, 32,6 myń sharshy metr turǵyn úı paıdalanýǵa berildi, bul 2020 jylǵy sáıkes kórsetkishten 2,8 ese artyq. Aýyl sharýashylyǵyndaǵy óndiris kóleminiń ósýi 2,1 mlrd teńgege jetip, 8,8%-dy qurady. Negizgi kapıtalǵa salynǵan ınvestısııalar 12,8 mlrd teńgege deıin ósti, bul 2020 jylǵy qańtardaǵy kórsetkishten 2,7 ese kóp. 2021-2025 jyldary Shymkent qalasynda 11 500 jańa jumys ornyn qura otyryp, 1,36 trln teńge somasyna 123 ınvestısııalyq jobadan turatyn pýl quryldy. Bıyl 2300 jumys ornyn ashýmen 129,2 mlrd teńgege 61 jobany iske asyrý josparlanýda.
