Baqytjan Saǵyntaev halyqpen onlaın formattaǵy eseptik kezdesýde turǵyndarynyń azyq-túlik baǵalaryna qatysty suraqtaryna jaýap berdi. Shahardaǵy azyq-túlik qaýipsizdigin qamtamasyz etý jáne áleýmettik mańyzy bar azyq-túlik taýarlarynyń baǵasyn baqylaý qala ákimshiligindegi júıeli jumystardyń biri desek, osyǵan oraı áleýmettik mańyzy bar ónimderdiń qory jasaldy. Qazirgi kezde joǵary suranystaǵy azyq-túlik túrleriniń (qaraqumyq jarmasy, kespe túrleri, kúnbaǵys maıy, kúrish jarmasy, qant, aıran, maı, sút, súzbe, taýyq eti, áleýmettik nan) baǵasyn turaqtandyrý boıynsha sharalar qabyldandy.
«О́tken jyly biz bıýdjetten 7 mlrd teńge bólip, áleýmettik mańyzy bar azyq-túlik taýarlarynyń qoryn qurdyq. Almatyda saýda nysandaryndaǵy áleýmettik mańyzy bar azyq-túlik taýarlarynyń bekitilgen tizbesiniń 19 túriniń 18 túriniń quny saralandy. Qazaqstan boıynsha eń tómengi baǵa bizde. Eger biz bul jumysty júrgizbegende, baǵa odan ári sharyqtaǵan bolar edi», - dep atap ótti ákim. Jumyrtqa baǵasyna qatysty qoıylǵan suraqqa Almatyda ǵana emes jalpy Qazaqstanda, tipti BAQ málimetteri boıynsha Reseıde de jumyrtqa baǵasynyń ósip ketkendigine toqtalǵan qala ákimi bul baǵalardyń maýsymdyq ósýimen baılanystyrǵan sarapshylardyń dálelin tilge tıek etti. О́ıtkeni qus azyǵy, dándi jáne maıly daqyldardyń qymbattaǵan ári birqatar qus fabrıkalarynda ónim tómendegen.
Bulardan ózge, Almatyda qalanyń alty iri azyq-túlik bazarynda áleýmettik mańyzy bar azyq-túlik ónimderin belgilengen baǵamen satý úshin áleýmettik dúkenderdiń ashylǵanyn atap ótý mańyzdy. Áleýmettik dúkenderdegi azyq-túlik baǵasy naryqtaǵy ortasha deńgeıden 20-30% tómen. Búginde Almatyda jumys isteıtin bazarlardyń meken-jaılary mynandaı: Kókbazar, Jibek Joly 53; Tastaq, Tólebı, 266; Almaty -1, Sholohov kóshesi 2/1; Taýsamaly, Taýsamaly – 1; Jańa Aqbulaq, Rozybakıev kóshesi 33/1; Saryarqa, 4 yqsh., 27 b. Al bBaǵalardyń ózgerýin qalanyń azyq-túlik ónimderiniń qaýipsizdigi www.almatyazyk.kz veb-saıtynan baqylaýǵa bolady.
