Týrnır kestesinde ekinshi orynda turǵan ombylyq komandamen ótken oıynda Iýrıı Mıhaılıs shákirtteri baryn saldy. Kezdesýdiń 6-mınýtynda jerlesterimiz san basymdyǵyn tıimdi paıdalanyp, esep ashty. Goldyń avtory – Álıhan Ásetov. Arada úsh mınýt ótkende san basymdyǵyn utymdy paıdalanǵan qonaqtar da tarazy basyn teńestirip ketti. «Barystyń» eks-oıynshysy Korben Naıttan pas alǵan Rıd Býshe nysanany dál kózdedi. Ekinshi kezeńniń 30-mınýtynda Nıkıta Mıhaılıstiń soqqan shaıbasynyń arqasynda «Barys» esepte qaıta alǵa shyǵyp, matchtyń sońǵy mınýtyna deıin osy nátıjeni saqtap turǵan bolatyn. Biraq taǵy da san basymdyǵynyń nátıjesinde kezdesýdiń aıaqtalýyna 5 sekýnd qalǵanda Korben Naıt esepti qaıta teńestirdi.
Overtaımǵa ulasqan oıynnyń 63-mınýtynda Nıkıta Mıhaılıstiń soqqan shaıbasy qazaqstandyq komandaǵa jeńis syılady – 3:2. Bul joly da «Barysta» bir oıynshy artyq edi. Osylaısha jerlesterimiz QHL-daǵy sońǵy alty oıynynyń alǵashqysyn jigerli jeńispen bastady. «Barys» kelesi kezdesýin búgin «Barys-Arenada» Ekaterınbýrgtiń «Avtomobılıst» komandasymen ótkizedi.
