Keıbir belsendiler tipti budan saıası astar izdep, bul qaskóılerdiń qasaqana áreketi, Aýǵanstan soǵysyna qatysýshylardyń rýhyn aıaqqa basý degen sııaqty pikirlerin bildirip jatty.
Petropavl qalalyq polısııasy jedel áreket jasap, gúlderdiń shashylýy men joǵalýyn teksergen. Sóıtse, jelmen shashylǵan gúlderdi sol jerdi sypyryp, tazalap júrgen kommýnaldyq sharýashylyq qyzmetkerleri jınap alyp, qoqysqa tastaǵan eken. Eskertkish alańynyń mańyndaǵy kameranyń beınejazbasynda olardyń jınaǵan gúlder men gúl shoqtaryn qoqys jáshikterine aparyp tastaǵany anyq kóringen. Petropavl qalasy Polısııa basqarmasynyń basshylyǵy «Kommýnhoz» JShS ókilderimen profılaktıkalyq áńgime júrgizý barysynda, budan bylaı qala turǵyndarynyń kóńilderine qaıaý túsiretin is-áreket jasamaı, eskertkishke qoıylǵan gúl shoqtary men gúlderdi qoqysqa laqtyrýǵa jol bermeý týraly eskertti.
