Atyraý qalalyq ákimdigi baspasóz qyzmetiniń aqparatyna qaraǵanda, kesheden beri kóshelerdi qardan tazartý júrgizilip jatyr.
«Keshe, 17 qańtarda qaladan 472 tekshe metr qar shyǵaryldy. Kóshelerdi tazartý túni boıy jalǵasty. Qardy jınap, shyǵarýǵa 49 tehnıka jumyldyryldy. Tehnıkany qalalyq kommýnaldyq mekemelermen birge, ózge de kásiporyndar usyndy. Sondaı-aq, kósheler men trotýarlardy tazalaýǵa 90 adam tartyldy. Qazir Azattyq, Áýezov, Sátpaev, Abaı, Qurmanǵazy, Vladımırskıı kóshelerinde qar jınaý jalǵasyp jatyr. Qala mańyndaǵy Almaly, Atyraý, Damba jáne Tasqala kentterine joldardy qardan tazalaýǵa arnalǵan tehnıkalar jiberildi», dep habarlady qalalyq ákimdiktiń baspasóz qyzmeti.
