Eńbek jáne halyqty áleýmettik qorǵaý mınıstrliginiń resmı derekteri boıynsha 2021 jyldyń qańtar aıynda Qazaqstanda eńbekke qabiletti halyqtyń ishinde 419 880-i múgedek jandaryń tek 19%-y (82 872) jumysqa ornalasqan jáne turaqty tabysy bar.
«Erekshe Tańdaý-Shelek» korporatıvtik qorynyń mamandary bul paıyzdyq araqatynasty «erekshe qajettilikteri bar adamdar úshin bilim berý jobalaryn júzege asyrý jáne jańa kadrlardy daıyndaý arqyly ulǵaıtýǵa bolady» dep esepteıdi.
«Bizdiń bul baǵytta qyzmet atqaryp júrgenimizge birinshi jyl emes. Sondyqtan múgedektigi bar adamdar arasynda oqýǵa jáne jumys isteýge nıet bildirýshilerdiń úlken legin qarastyramyz. Sebebi olar da derbes, qoǵamnyń tolyqqandy bóligi jáne sapaly bilim alǵysy keledi», deıdi «Erekshe Tańdaý-Shelek» korporatıvtik qorynyń baǵdarlamalyq dırektory Zahıra Begalıeva.
Byltyr Samruk-Kazyna Trust Áleýmettik jobalardy damytý qorynyń qoldaýymen «Erekshe Tandaý-Shelek» KQ Lider Z kásibı onlaın-mektebi» jobasy iske qosyldy. Ol múgedek adamdardy IT daǵdylaryna úıretý jáne olarǵa odan ári eńbek naryǵyn baǵyndyrýǵa járdemdesýge baǵyttalǵan. Jýyrda mektep alǵashqy túlekterin shyǵaryp saldy. Birqatary oqý barysynda jetken jetistikterimen bólisti.
Solardyń biri 29 jastaǵy Anastasııa Gerbeeva: «Men bala kezimnen Aqtóbe qalasynda turamyn. Medısınalyq dıagnozǵa jáne úıde oqyǵan durys dep sendirgen muǵalimderdiń pikirine qaramastan, Lider Z onlaın mektebine kelip, baǵymdy synap kórdim. Dál osy qadam kásipqoı maman retinde qalyptasýyma túrtki boldy», dedi.
Anastasııanyń aıtýynsha, 2020 jyl onyń ómirin túbegeıli ózgertken. Sebebi ol oqýyn sátti aıaqtap qana qoımaı, osy jobada jeńimpaz atanǵan. Ol búgingi tańda SMM boıynsha sertıfıkattalǵan maman. Qýantarlyǵy, Anastasııa Gerbeeva Aqtaý qalasyndaǵy Nazarbaev zııatkerlik mektebi oqýshylarynyń klýbynda mentor bolyp qyzmet atqarady.
Al 38 jastaǵy Mıhaıl Gvozdev Petropavl qalasynda ınjener jáne pedagog otbasynda dúnıege kelgen. Ol bala kezinen shyǵarmashylyqqa jaqyn ekenin jáne IT salasyna qalaı kelgenin tilge tıek etti.
«Meniń dıagnozym – shashyrańqy skleroz. Biraq basyma túsken bul aýyrtpashylyqqa qarsy turyp, ózimdi damytýdy jalǵastyryp kelemin. Arasynda óleń jazyp, múgedekter sportymen aınalysamyn», deıdi Mıhaıl Gvozdev.
Mıhaıl Lider Z onlaın mektebinde SMM kýrsyn bitirip, búginde Qazaqstandaǵy beınebaqylaý júıeleriniń iri dıstrıbıýtorlyq kompanııalarynyń birine saıt ákimshisi bolyp jumysqa qabyldandy.
«Múgedektigi bar qyzmetkerge áleýmettik jumys berýshilerdiń kóbi qorqa qaraıdy. Dese de biz jaǵdaıdyń ózgerip jatqanyn baıqap otyrmyz. Bıznestiń áleýmettik jaýapty sektorynyń ókilderi azamattardyń osy sanatyna alǵashqy eńbek tájirıbesin alý úshin olardyń kásibı maman bola alatynyn jáne qarjylyq táýelsiz ómir súrýge laıyqty ekenin dáleldeý úshin járdemdesý qajet», deıdi dırektor Zahıra Begalıeva.
Bertinge deıin mekemede birinshi lekte múgedektigi bar 30 adam oqytyldy. Qazirgi kúni mektepte ekinshi lek ótip, oǵan 33 adam qatysyp jatyr.
