Jalpy qalada jalpy kontıngenti 288 myńnan astam oqýshyny qamtıtyn 278 mektep jumys isteıdi, onyń ishinde 270 myńnan astam oqýshyny qamtıtyn 207 memlekettik jáne 17 myńnan astam oqýshyny qamtıtyn 71 jeke menshik mektep bar. Almaty qalasynyń bas sanıtar dárigeriniń qaýlysyna sáıkes, kezekshi synyptardy ondaǵy oqýshy sanyn 15-ten aspaǵan jaǵdaıda ashýǵa ruqsat etilgen. Kezekshi toptardy ashýdyń basty sharty - barlyq sanıtarlyq-epıdemıologııalyq talaptardy qatań saqtaý. Aýdandyq bilim berý bólimderi men epıdemıologııalyq qyzmet qyzmetkerlerimen mektepterge aýdıt júrgizildi, mektepterdiń sanıtarlyq qaýipsizdik talaptaryna sáıkestigi anyqtalǵannan keıin kezekshi toptar iske qosyldy. Mysaly, J.Jabaev atyndaǵy № 161 lıseıde. 5, 9 jáne 11 synyp oqýshylary kúndizgi formatta oqıdy. Mektepte barlyǵy 536 oqýshy oqıdy, onyń 358-i qashyqtan bilim alýda.
Mektepke kire beriste oqýshylar dezınfeksııalyq týnnel arqyly ótedi. Sodan keıin qoldaryn sanıtaızerlermen óńdeıdi. Olardy árqaısysynyń temperatýrasyn ólsheıtin medısına qyzmetkeri qarsy alady.
Ár synypta 10-15 adamnyń ortasha tolymdylyǵy boıynsha talap saqtalady. Oqýshylar áleýmettik qashyqtyqty saqtaı otyryp, shahmat tártibimen otyrady. Mektepte betperde rejımi qatań baqylanady. Mektep dálizderinde edende áleýmettik qashyqtyqty saqtaý úshin arnaıy belgiler bar. Synyptar arasyndaǵy úzilister árqaısysy úshin 15 mınýttan turady. Mektep dezınfeksııalyq quraldarmen qamtamasyz etilgen: kireberistegi dezınfeksııalyq kilemshe, týnnel, sanıtaızerler, ylǵaldy, dezınfeksııalyq tazalaýdy qamtamasyz etetin quraldar. Sonymen qatar, Almaty ákimdigi ata-analardy balalardyń aldyn alý sharalaryn saqtaýyn baqylaýdy kúsheıtýge shaqyrady, óıtkeni Almaty qalasy sanıtarlyq-epıdemıologııalyq baqylaý Departamentiniń derekterine sáıkes, oqýshylardyń koronavırýsty juqtyrý jaǵdaılarynyń 80% - ynda úıde naýqas týystarymen qarym-qatynas baıqalǵan.
