Endigi kezekte Almatyda týrıster úshin polısııa jáne jedel járdem qyzmetkerlerin shaqyrý batyrmalary bar aqparattyq termınaldar ornatylatyn bolady.
Marat Aınabekovtyń aıtýynsha, Almaty qalasynda týrıster úshin aqparattyq termınaldarmen jabdyqtaý úshin birqatar sharalar qabyldanǵan.
«10 lokasııada aqparattyq termınaldar ornalastyrylady, olar qala qonaqtaryna Almatynyń kórikti jerleri týraly aqparatty ınteraktıvti túrde usynatyn bolady. Stendterde týrıster túrli qıyn jaǵdaılarǵa tap bolǵan jaǵdaıda polısııa qyzmetkerlerin, sondaı-aq jedel járdem qyzmetkerlerin shaqyrý batyrmalary ornalastyrylady», dep atap ótti Marat Aınabekov.
О́tken jyly Almatynyń eń tanymal jeti kórikti jerleriniń týrıstik avtobýstaryna arnalǵan turaq oryndary uıymdastyrylǵan bolatyn.
Taýǵa shyǵý týrısterdiń tanymal tańdaýy bolyp qala beredi. Kóbiniń alǵash ret keletinin eskere otyryp, týrısterdiń qaýipsizdigin qamtamasyz etý úshin aqparattyq-túsindirý jumystary júrgiziledi.
Apta saıyn týrıstik hab bazasynda (Balýan Sholaq atyndaǵy Sport saraıy aýmaǵynda) tegin negizde bilim berý suhbattary ótedi. Osy oraıda Marat Aınabekov qala turǵyndary men qonaqtaryn taýǵa barar aldynda aqparat beretin suhbattarǵa qatysýǵa shaqyrdy.
