Is-sharaǵa Aqparat jáne qoǵamdyq damý mınıstrligi Etnosaralyq qatynastardy damytý komıtetiniń, QHA «Jańǵyrý joly» respýblıkalyq jastar qozǵalysynyń, jastar uıymdarynyń ókilderi, jastar saıasaty salasyndaǵy shaqyrylǵan sarapshylar, buqaralyq aqparat quraldarynyń ókilderi jáne t.b. qatysty.
Is-shara jastar qoǵamdastyǵyn damytýdyń ózekti baǵyttary boıynsha saraptamalyq dıalog alańyn qurý, jastar bastamalaryn qoldaý boıynsha naqty tetikterdi ázirleý, QR Parlamenti Májilisi depýtattarynyń belsendi jastar kóshbasshylaryna tálimgerlik ınstıtýtyn damytý maqsatynda ótkizildi.
Saraptamalyq kezdesý barysynda qatysýshylar jastar saıasaty salasyndaǵy ózekti úrdisterdi, jastar bastamalaryn qoldaý jáne ilgeriletý boıynsha usynystardy, jastar uıymdarynyń qyzmetin kontenttik tolyqtyrýdy, shyǵarmashyl jastardy, onyń ishinde múmkindikteri shekteýli jastardy qoldaýdy, ekonomıka sektorlaryn damytý boıynsha kreatıvti tásildi talqylady.
Sondaı-aq, «Memlekettik jastar saıasaty týraly» QR Zańyn jetildirý boıynsha usynystar aıtyldy.
